زما یوڅوکرښې!
واخان
هلته چې
غرونه د اسمان تر لمنو رسېږي،
او باد د زړو کاروانونو
د زنګونو اواز له ځان سره وړي،
هلته
واخان لا هم د یوې لارې خوب ویني.
هغه لار
چې یوه ورځ پرې
د ورېښمو کاروانونه تېرېدل،
د ختیځ عطرونه یې راوړل،
د لویدیځ بازارونو ته یې
د افغانستان نوم رسول
نن بیا
د هماغو خاموشو غرونو په لمنو کې
یو نوی قدم پورته شوی؛
یو سړک
د ډبرو له منځه راوتلی،
د واورو له سیورو تېرېږي،
او د چین تر پولو
د وطن د سبا دروازه ټکوي.
دا یوازې سړک نه دی؛
دا د یوې تړلې خاورې
د پرانیستو هیلو کیسه ده.
کېدای شي سبا
د افغان سوداګر کاروان
له همدې لارې روان شي،
خپل تولیدات له وطنه یوسي،
د چین بازارونو ته یې ورسوي،
او د پردیو اوږدو جنجالې لارو
درانه بارونه پر اوږو پرېنږدي.
کېدای شي
د همدې لارې پر غاړو
د یوه بېروزګاره ځوان لاس
د کار وسیله ونیسي،
د یوه پلار په کور کې
د حلال رزق څراغ بل شي،
او د یوه ماشوم په سترګو کې
د سبا هیله لا روښانه شي.
واخان!
ته یوازې د افغانستان
او چین ترمنځ لار نه یې؛
ته د سیمې د زړونو
د نښلولو یوه دروازه یې.
له تا به
لارې ایران ته وغځېږي،
ترکمنستان او ازبکستان ته به ورسېږي،
او د سیمې کاروانونه به
د افغانستان له زړه تېر شي.
څه حیرانونکې ده؛
هغه خاوره چې کلونه
د جګړو په لوګيو کې پټه وه،
اوس غواړي
د سوداګرۍ په لارو
خپل نوم ولیکي.
واخان!
ستا په تیږو کې
یوازې د نن قدمونه نه دي؛
د پرون کاروانونه هم پراته دي
او د سبا خوبونه هم.
که دا لار
د خلکو پر مخ خلاصه پاتې شي،
نو یوه ورځ به
د دې خاموشو غرونو له منځه
د موټرو او اورګاډو شور نه،
د ژوند سندره پورته شي.
او افغانستان به
د نړۍ په نقشه کې
یوازې د جګړو په نوم نه،
بلکې د تېرېدو، نښلولو او سوداګرۍ
په نوم هم یادېږي.
همایون بابر
اکتوبر ۵مه ، ۲۰۲۶
د یوافغان کېسه- ۱۳۷ زره ډالر؛ د یوه واده تر شا پټه کیسه
زموږ انګلیسي ویبپاڼه:
![]()
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
