بهر مېشتي افغانان؛ د مینې اړیکه او د ژوند ننګونې

بهر مېشتي افغانان؛ د مینې اړیکه او د ژوند ننګونې…!!!

کډوال افغانان د امید او ستونزو تر منځ📎

بهر مېشتي افغانان که څه هم د وطن نه لېرې ژوند کوي، خو د خپل وطن، کلتور او کورنۍ سره یې مینه لا هم ژوره پاتې ده. له همدې امله ډېر کسان هڅه کوي چې د خپلو اولادونو لپاره د وطن له کورنیو سره د نکاح او خپلوي اړیکه ټینګه کړي، تر څو د نسل، کلتور او دیني ارزښتونو تسلسل وساتل شي.

خو دا هم باید ومنل شي چې بهر مېشتي افغانان د ژوند له ګڼو ننګونو سره مخ دي. ډېری یې د کډوالۍ سخت ژوند تېروي، درنې او ستړې دندې کوي، له کلتوري فشارونو، اقتصادي ستونزو او د پردي چاپېریال له اغېزو سره مبارزه کوي. هغوی که څه هم کله ناکله لږه پیسه وطن ته استوي، خو تر شا یې د ډېرې خوارۍ او زحمت کیسه پټه وي.

له بلې خوا، د نکاح او خپلوي په موضوع کې رښتینولي او روڼتیا ډېر مهم دي. غوره ده چې دواړه لوري د یو بل د ژوند له حالاتو، امکاناتو او مسؤلیتونو څخه خبر وي، تر څو راتلونکی ژوند د باور او تفاهم پر بنسټ ولاړ وي.

په ټوله کې بهر ته تلل امتیاز نه، بلکې ډېر وخت د مجبوریت پایله وي. خو سره له دې، بهر مېشتي افغانان لا هم د خپل وطن، خپلې خاورې او خپل کلتور سره د مینې تار نه شلوي، او هڅه کوي چې دغه اړیکه د خپل نسل له لارې ژوندۍ وساتي.

درنښت… یارب🤲🏻

اسلام او ښځه

زموږ انګلیسي ویبپاڼه: