ډاکتر فاروق اعظم

ھغه د تیرې اونۍ په سر کې نظامي محکمې غوښتی و او له دندې یې گوښه کړ‎ی و خو ھغه مھال شرائط حساس و، ھلته له پنجاب سرہ پر فرضي پوله نښتې او په قطر او ترکیه کې مذاکرات روان ول.
په ھغسې حالاتو کې، ډاکتر صیب پخپله نه غوښتل چې د دندې پریښودو خبرہ یې رسنیزہ شي. اوس ھم که خبر مطبوعاتو ته نه و لیک شوی، ښایي ډاکتر صیب تر ډیرہ دا خبرہ ھمداسې غلې پرې ایښې وہ، ځکه ھمدا ورته د امارت او افغانستان په خیر ښکاریدہ! ھغه نه غوښتل د څو محدودو کسانو لخوا ورته د رسیدلي ضرر څخه د امار ت مخالفین ناوړ‎ہ گټه پورته کړ‎ي.
تاسې له ھمدې څخه اټکل کولای شئ چې ھغه ته د ھیواد او امارت منافع تر خپلو شخصي ھغو څومرہ عزیزې دي؟
د کونړ‎‎ پر سیند د مستند جوړ‎ول؟
د تړ‎ون په نوم چا لیکلي د کونړ‎ پر سیند یې مستند جوړ‎اوہ خو ډاکتر اعظم صیب حاضر نشو، مرکه ورسرہ وکړ‎ي!
یوې مرکې ته نه حاضریدل یې داسې ښودلی چې گواکې اعظم صیب د پاکستان څخه ویریږ‎ي او د ھیواد ملي گټو ته ژمن نه دی!
دې خبر ته په خواله رسنیو کې د غني جمبوریانو، پخوانیو غوړ‎ہ مالانو او په اخلاقي لحاظ ټیټو او لویدلو کسانو زور ورکړ‎.
ښایي ډاکتر اعظم پخپله که مناسب یې وبولي د تړ‎ون د خبرې ځواب ووایي، خو زہ به دلته یو څو پوښتنې د دې لنډ اندو مخې ته کیږ‎دم!
۱- دا پوښتنه ھغه مھال ولې نه مطرح کیدہ چې ډاکتر صیب پر کار و؟
۲- آیا یوې مرکې ته نه حاضریدل د ملي گټو سرہ د ټکر او یا د گاونډي څخه د ویریدو مانا ورکوي؟
تیر کال ماته یو ملگري زنگ وھلی و چې د پښتونستان په اړ‎ہ په یوہ گردي میز کې ورسرہ گډون وکړ‎م.
ما ورڅخه معذرت وغوښت. آیا دا اوس په دې مانا دہ چې زہ د لر وطن داعیې ته ژمن نه یم؟! یا لَلعجب!
۳- تړ‎ون وایي:
اعظم صیب د پاکستان له ویرې مرکې ته حاضر نشو.
زہ وایم:
د روسانو سرہ د جھاد پر مھال چې د مجاھدینو ټول مشران په پاکستان کې میشت وو، اعظم صیب یو کتاب د “ افغان مجاھدین ولې بې اتفاقه دي” تر عنوان لاندې لیکلی و. په ھغه کتاب کې یې د مجاھدینو د بې اتفاقۍ پړ‎ہ پر پاکستان اچولې وہ.
ھغه مھال داسې څه لیکل یا ویل د سر پر قیمت تمامیدای شو. ھمدا راز لیکنو خو شھید عزیز الرحمن “ الفت” شھید بھاؤ الدین “مجروح” شھید عبد الرحیم “څینزائي” او زموږ‎ د ولس نور د فکر او سر سړ‎ي خوړ‎لي وو.
که اعظم صیب ویرہ لرلای نو ھغه مھال، چې د مجاھدینو د مشرانو کورونه په پاکستان کې و، د مجاھدینو اکمالات له ھغه ځایه و او موږ‎ په ھر لحاظ ورته اړ‎ وو، نو به ولې یې داسې ستر خطر پر سر اخیست؟!
اوس چې موږ‎، لله الحمد د خپل قوي مرکزي حکومت څښتنان یو، پاکستان ته ھیڅ راز اړ‎ نه یو، نه مو کورونه ھلته دي او نه مو نور اکمالات له ھغه ځایه دي نو بیا به د کوم منطق پر اساس ډاکتر صیب له پاکستان څخه ویرہ لري؟!
۴- د کونړ‎ پر سیند بند جوړ‎ول یوہ مطلقه تخنیکي او مسلکي مسئله دہ، چې زموږ‎ رسنیو او د پاکستان څخه ولسي نفرت حساسه کړ‎ې. سرہ له دې چې د اوبو او بریښنا وزارت پرې د بند جوړ‎ولو اعلان کړ‎ی خو بیا ھم افغان حکومت باید پریښودل شي چې بې د ولسي فشار څخه د اولیتونو په درک کولو تصمیم ونیسي.
زہ شخصاً د کونړ‎ سیند پر غاړ‎ہ پرتو سیمو کې ډیر گرځیدلی یم. موږ‎ ھلته د ډیرو اوبو د ذخیرہ کولو او مصرفولو ھیڅ ظرفیت نه لرو. په کومو ځایونو کې چې د کونړ‎ سیند بھیږ‎ي، ھلته داسې پراخې دښتې، صحراوې او یا لوی میدانونه ھم نشته چې دا اوبه به پکې مصرف کړ‎ای شو، بله یې دا چې د کونړ‎ د سیند اوبو یوہ سترہ برخه د ھمالیا له غرونو څخه سرچینه اخلي او دا غرونه د پاکستان په خاورہ کې موقعیت لري.
د کونړ‎ پر سیند د بند یا وړ‎و بندونو جوړ‎ول د پاکستان په گټه ھم دہ، ځکه موږ‎ ټولې اوبه نه شو مصرفولای، ھغوی ته به په منظمه توگه ورځي او کوزہ پښتونخوا به ھم د اوس پڅیر له سیلابونو نه کړ‎یږ‎ي.

دوستانو!
الله عزوجل قرانکریم د “ لِّقَوْمٍ يَتَفَكَّرُونَ”
ھغو خلکو ته را استولی چې د ځمکې او اسمانونو په تسخیر کې فکر کوي، خو موږ‎ د ھر چا خبرہ بې فکرہ منو!
قرانکریم موږ‎ ته ھدایت کوي چې د فاسق په خبر کې څیړ‎نه وکړ‎و، خو موږ‎ ډیر کم دا کار کوو!
تړ‎ون و امثالھم به یې ھر څه وایي خو راځئ! موږ‎ به په ھر خبر کې فکر او څیړ‎نه کوو، تر څو وروسته له پښیمانۍ سر مخ نشو!
ډاکتر اعظم یو ملي شخصیت دی!
راځئ! خپل ملي شخصیتونه د کومې سیمه ایزې رسنۍ سرہ پر مرکه کولو یا نه کولو داغدارہ نه کړ‎و!
والله المستعان
_______________________

حفیظ الدین پیرزادہ
د نومبر ۵/ ۲۰۲۵ م

د بېغیرتانو ډولونه

  Donate Here