واشنګټن/کوپنهاګن: د متحده ایالاتو پخواني ولسمشر ډونالډ ټرمپ د ګرینلنډ د ترلاسه کولو په اړه خپل نظر څرګند کړی، چې دې موضوع د نړیوالو بحثونو او د ډنمارک د حکومت سختو اندېښنو ته لار هواره کړه. ټرمپ ویلي، “ګرینلنډ د ازادې نړۍ د ساتنې لپاره مهم دی، او که ډنمارک د دې پر وړاندې خنډ جوړ کړي، نو دا به یو دښمنانه عمل وي.”
دا څرګندونې وروسته له هغې وشوې چې ټرمپ او د ډنمارک وزیراعظم مېټی فریډریکسن د ګرینلنډ د راتلونکي په اړه یوه ټیلیفوني خبرې وکړه.
د راپورونو له مخې دا خبرې په جنجالي توګه پای ته ورسېدې. فریډریکسن په کلکه د ګرینلنډ د پلور فکر رد کړ، چې د ټرمپ غوسه یې راوپاروله.
ټرمپ د ډنمارک پر وړاندې د تعرفو د سختولو ګواښ وکړ، خو په ځواب کې د ډنمارک وزیراعظم د دواړو هېوادونو ترمنځ د همکارۍ د پراخېدو وړاندیز وکړ.
د دې خبرو اترو وروسته، ډنمارک د ګرینلنډ د امنیت په اړه خپلې اندېښنې څرګندې کړې او اعلان یې وکړ چې په دې سیمه کې به د دفاعي لګښتونو زیاتولو ته دوام ورکړي.
ګرینلنډ چې د ډنمارک تر ادارې لاندې دی د ستراتیژیکې موقعیت او طبیعي زیرمو له امله د نړیوالو هېوادونو پام ځانته اړولی دی.
متحده ایالات د دې ټاپو په اړه اوږدمهاله ستراتیژیکې ګټې لري، چې د نږدې قطبي سیمو د کنټرول لپاره مهم ګڼل کېږي.
د ټرمپ وروستیو څرګندونو او د ډنمارک غبرګون په نړیواله کچه د اندېښنې یوه نوې څپه راپورته کړې ده.
د دواړو هېوادونو ترمنځ د اړیکو راتلونکی اوس له چیلینجونو سره مخ دی.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.