د هندي او پاکستاني پوځیانو تر منځ د کشمیر په جنجالي سرحدي سیمې کې په تازه جګړو کې د ۳ هندي عسکرو په ګډون لږ تر لږه ۱۱ تنه وژل شوي.
چارواکي وایي په جګړې کې چې د دواړو هیوادونو پوځیانو په یو بل د هاوان توغندي وار کړي، د ۳۰ نه زیات کسان ټپي شوي هم دي.
د پاکستان پوځ په یوې اعلامیې کې ویلي چې جګړه لومړی هندي پوځیانو پیل کړه او د پاکستان تر کنټرول لاندې سیمې یې په راکټ او هاوان توغندیو ویشتلې دي. د پوځ په اعلامیه کې ویل شوي چې پدې ډزو کې چې تیره شپه او نن د جمعې په ورځ، نومبر ۱۳ ( لړم۲۳) شوي ۵ ملکیان وژل شوي ۲۷ نور ټپي شوي.
په اعلامیه کې ویل شوي چې د پاکستان پوځ د هند د برید په ځواب کې څو پوستې په نښه کړي. په سیمه کې د حکومت یو چارواکي همدرانګه ویلي چې په ډزو کې د عامو خلکو ګڼ شمیر کورونه هم وران شوي.
خو بل پلو بیا د هند پوځ د جګړې د پیل کولو ملامتي د پاکستان په پوځ اچوي. د هند د پوځ په اعلامیه کې ویل شوي چې پاکستان پدې جګړې کې د هاوان توغندیو او نورو وسلو نه کار اخیستی او” په قصدي توګه یې د ملکیانو سیمې په نښه کړي”.
په اعلامیه کې همدارنګه ویل شوي چې ۳ هندي عسکر ټپي شوي هم دي.
په همدې حال کې په سرینګر کې د پولیسو یو افسر محد اشرف ویلي چې د پاکستان په ډزو کې ۴ ملکیان وژل شوي چې یوه یې میرمن وه.
هند او پاکستان د ۱۹۴۷ کال راپدیخوا چې آزادي یې اخیستي، د کشمیر پر سر یې درې ځله جنګونه کړي او وخت ناوخته په یو بل د کنټرول په کرښه کې ډزې کوي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
