په اداراتو کې د لايق کارکوونکو پر وړاندې حساسیتونه

سریزه
په نننیو ادارو کې د بشري منابعو ارزښت ډېر لوړ شوی دی. هره اداره غواړي چې خپل هدفونه د مسلکي او وړ کارکوونکو په وسیله تر لاسه کړي. خو له بده مرغه، په ځینو وروسته پاتې ادارو کې دا ستونزه لیدل کېږي چې لايق کارکوونکي نه یوازې دا چې سم نه ارزول کېږي، بلکې کله ناکله د نورو له لوري ورسره حساسیت او مخالفت هم کېږي.
دې مقاله کې هڅه کړي ده دا موضوع په ساده او روښانه ډول لوستونکو ته تشریح کړم.
د لايق کارکوونکي مفهوم
لايق کارکوونکی هغه څوک دی چې:
خپله دنده په ښه ډول ترسره کوي
اړینه پوهه او مهارت لري
صادق، مسؤل او نوښتګر وي
د ادارې هدفونو ته ژمن وي
دغه ډول کارکوونکي د هرې ادارې د پرمختګ لپاره ډېر مهم دي.
په اداراتو کې د حساسیتونو د رامنځته کېدو لاملونه
۱. رواني ناامني او د پرتله کېدو وېره
کله چې یو لايق کارکوونکی راشي، نور کارکوونکي ځان ورسره پرتله کوي.
دا کار هغوی ته دا احساس ورکوي چې:
کېدای شي دوی کمزوري وي
یا یې ارزښت کم شي
همدا احساس ورو ورو په حساسیت بدلېږي.
۲. د مقام له لاسه ورکولو وېره
په ځینو ادارو کې خلک د وړتیا پر بنسټ نه، بلکې د اړیکو له لارې مقام ته رسېدلي وي.
کله چې یو قوي او بااستعداده کس راشي:
نور کسان وېره احساسوي
فکر کوي چې ممکن خپل ځای له لاسه ورکړي
نو ځکه د هغه پر وړاندې منفي دریځ نیسي.
۳. د اصولو او نظم غوښتنه
لايق کارکوونکي عموماً:
د قانون مطابق کار کوي
نظم او حساب ورکونه غواړي
خو دا کار هغه کسان نارامه کوي چې:
بې‌نظمه کار کوي
یا ناسمې لارې کاروي
له همدې امله، هغوی د لايق کارکوونکي مخالفت کوي.
۴. حسد او منفي سیالي
کله چې یو کارکوونکی ښه کار وکړي او د مشرانو پام ځانته واړوي، نور کسان کېدای شي حسد وکړي.
د دې حسد پایله دا وي چې:
د هغه پر ضد خبرې کېږي
یا یې ارزښت کم ښودل کېږي
۵. د بدلون پر وړاندې مقاومت
لايق کارکوونکي اکثره نوي نظریات او اصلاحات راوړي.
خو ډېر کسان:
له بدلون سره عادت نه لري
نوې لارې نه خوښوي
نو د بدلون پر ځای د هغه کس مخالفت کوي چې بدلون راولي.
۶. د ټیمي کار کمزوری کلتور
په سالمو ادارو کې د یو کس بریا د ټول ټیم بریا ګڼل کېږي.
خو په کمزورو ادارو کې:
هر څوک یوازې خپل ځان ته ګوري
د بل پرمختګ تهدید ګڼي
همدا حالت د حساسیت سبب ګرځي.
۷. د رهبرۍ کمزوري
که د ادارې مشران مسلکي او قوي نه وي:
له قوي کارکوونکو وېره لري
د هغوی ملاتړ نه شي کولای
خو ښه مشران برعکس، له لايق کسانو ملاتړ کوي او هغوی ته ارزښت ورکوي.
په اداراتو کې د لايق کارکوونکو پر وړاندې حساسیتونه یوه جدي ستونزه ده. دا ستونزه د رواني فشار، کمزوري مدیریت او ناسالم اداري سیستم له امله رامنځته کېږي. که دا حالت دوام وکړي، د ادارې پرمختګ به ورو شي او ښه کارکوونکي به له منځه ولاړ شي.
سپارښتنې
د دې ستونزې د حل لپاره لاندې ګامونه مهم دي:
د وړتیا پر بنسټ ګمارنه (میرټ سیستم)
عادلانه او شفافه ارزونه
د فساد مخنیوی
د مشرانو روزنه او ظرفیت لوړول
د ټیمي کار او مثبت رقابت رامنځته کول
پايله کې ويلې شو چې لايق کارکوونکی د ادارې لپاره خطر نه، بلکې یو مهم فرصت دی. که اداره وکولای شي چې د داسې کسانو ملاتړ وکړي، نو حتمي ده چې پرمختګ به وکړي.

ټولنیز تکافل

زموږ انګلیسي ویبپاڼه: