اروپايي ټولنې په افغانستان کې د خوړو له نړۍوال پروګرام سره ۲۵ میلیون یورو مرسته کړې
کابل (پژواک، ۲۱ لېندۍ ۴۰۴): اروپايي ټولنې ویلي چې په افغانستان کې د اقلیمي بدلونونو پر وړاندې د ټولنو د پیاوړتیا او د مغذي خوړو د ترویج په موخه یې د ملګرو ملتونو د خوړو له نړۍوال پروګرام (ډبلیواېفپي) سره ۲۵ میلیون یورو مرسته کړې ده.
د اروپايي ټولنې په خبرپاڼه کې راغلي چې دا ستراتیژیکه مرسته به په ټول افغانستان کې د ټولنو او مغذي خوړو رژیمونه پیاوړي کړي.
په خبرپاڼه کې راغلي: «اروپایي ټولنه د خوړو له نړۍوال پروګرام (WFP) له لارې د ۲۵ میلیون یورو مرستې په کولو سره د افغانستان له خلکو سره خپله اوږدمهاله ژمنه تازه کوي. د اروپايي ټولنې دغه ستراتیژیکه مرسته به په ټول افغانستان کې د ټولنو او مغذي خوړو رژیمونه پیاوړي کړي.»
په افغانستان کې د اروپايي ټولنې شارژدافیرې ورونیکا بوسکوویچ ویلي: «د خوړو له نړۍوال پروګرام سره د اروپايي ټولنې نوې مرسته د افغانستان خلکو، په ځانګړې توګه ښځو، ماشومانو او زیانمنو ټولنو ته زموږ دوامداره ژمنتیا ښیي.»
هغه زیاته کړې: «موږ د خپلې کړنلارې له لارې د اقلیمي بدلونونو پر وړاندې د پیاوړتیا لپاره له زیانمنو کلیوالي ټولنو سره هم مرسته کوو څو د طبیعي پیښو او اقلیمي بدلونونو له اوږدمهاله او ویجاړوونکو اغېزو خپل ژوند او عاید خوندي کړي.»
په افغانستان کې د خوړو نړۍوال پرواګرام استازي جان ایلیف هم د دې مرستې هرکلی کړی دی.
زموږ انګلیسي ویبپاڼه:
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.