لوېډ اسټن: پر طالبانو باید نړیوال فشار زیات شي

طالبانو په دې وروستیو کې د خپلو بریدونو کچه لوړه کړې او هره ورځ ملکي وګړي په نښه کوي.
د امریکا د دفاع وزیر لویډ اسټن تېره ورځ په خپلې ټوېټر پاڼې لیکلي، چې پر طالبانو باید نړیوال فشارونه زیات شي؛ ترڅو د ملکي وګړو له وژنو لاس واخلي.
نوموړي ويلي، چې افغانستان کې ورځ تر بلې وضعیت کړکېچن کیږي او طالبانو د تاوتریخوالي کچه لوړه کړې؛ نو اړینه ده، چې پر یادې ډلې نړیوال فشارونه زیات شي.
اسټن ویلي، چې طالبان باید له جګړې لاس واخلي او د سیاسي جوړجاړي له مخې د افغان سولې خبرې پر مخ یوسي.
د ده په وینا، افغانان د داسې حکومت جوړولو حقداره دي، چې د دوی پر خوښه وي.
په ورته وخت کې د افغان سولې لپاره د امريکا ځانګړي استازي زلمي خلیلزاد هم ویلي، چې طالبان د جګړې د کچې پر لوړوالي سره د ډېرو امتیازاتو غوښتونکي دي.
نوموړي بیا هم پر طالبانو غږ کړی، چې افغان جګړه پوځي حل لاره نه لري؛ بلکې یواځې خبرو له لارې حل کېداشي.
ده ویلي، چې که چېرته د طالبانو له لوري د تاوتریخوالي کچه ټیټه نه شي؛ نو یاده ډله به له امریکا سره د شوې هوکړې له مخې وځپل شي.