کابل (پژواک، ۲۵ وری ۱۴۰۵): د ملګرو ملتونو د ښځو دفتر په یوه تازه راپور کې ویلي چې یوازې ۱۷ سلنه هغه افغان ښځې چې له ایران او پاکستانه هېواد ته راستنې شوې دي، د عاید ترلاسه کولو وړتیا لري.
په راپور کې راغلي، سره له دې چې ډېری دغه ښځې بېلابېل مهارتونه لري، خو نږدې ۴۰ سلنې یې ویلي چې د کاري فرصتونو له کمښت سره مخ دي او نه شي کولای له دغو مهارتونو استفاده وکړي.
راپور زیاتوي، دغه څېړنه د «ساموېل هال» بنسټ له خوا په هرات، ننګرهار او کابل ولایتونو کې له ۷۰۰ راستنېدونکو ښځو او نورو ځايي ښکېلو لورو څخه د ترلاسه شویو معلوماتو پر بنسټ چمتو شوې ده.
په راپور کې ویل شوي چې د ځینو محدودیتونو تر څنګ، پانګې او د کار وسایلو ته نه لاسرسی، او د بازار محدود فرصتونه هغه ستونزې دي چې دغې ښځې ورسره مخامخ دي.
د دغه راپور له مخې، له درېیو برخو زیاتې راستنېدونکې ښځې د عاید د پیدا کولو لپاره هېڅ ډول وسایل او یا پانګه نه لري.
د راپور پر بنسټ، له ۲۰۲۳ کال راهیسې تر اوسه له ایران او پاکستانه څه باندې ۵.۵ میلیونه افغانان هېواد ته راستانه شوي چې پر ځایي اقتصادونو یې فشار زیات کړی دی.
په افغانستان کې د ملګرو ملتونو د ښځو دفتر ځانګړې استازې سوزن فرګوسن ویلي، د ښځو له اقتصادي مشارکته ملاتړ نه یوازې د دوی لپاره، بلکې د هېواد د اقتصادي وضعیت د ښهوالي لپاره هم حیاتي ارزښت لري.
د ملګرو ملتونو د ښځو دفتر د دغو موندنو پر بنسټ غوښتي چې راستنېدونکو ښځو سره باید اړینې مرستې وشی.
زموږ انګلیسي ویبپاڼه:
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.