ټرمپ د ایلون ماسک صلاحیتونه محدود کړل؛ د DOGE دفتر کې د کارکوونکو سخت شرایط افشا شول

واشنګټن، متحده ایالات (2025) – د امریکا ولسمشر ډونالډ ټرمپ د ایلون ماسک صلاحیتونه محدود کړي، وروسته له هغې چې د ماسک تر مدیریت لاندې په پراخه کچه منفکۍ وشوې.

د ټرمپ کابینې د ځانګړې غونډې پر مهال پرېکړه وکړه چې ماسک یوازې د مشورې حق لري، خو نشي کولای د استخدام، منفکۍ یا دولتي پالیسۍ په اړه یواځېنی تصمیم ونیسي.

په دې ناسته کې، ماسک اعتراف وکړ چې د هغه تر مشورې لاندې DOGE شرکت تېروتنې کړې دي او د ټرمپ له پرېکړې سره یې موافقه وکړه. له دې وروسته، د دولتي ادارو وروستۍ پرېکړې به د اړوندو مشرانو له لوري کېږي.

په عین حال کې د Politico د راپور له مخې د DOGE دفتر یو عجیب کاري چاپېریال لري، چیرې چې کارمندان دومره ډېر کار کوي چې د خوب لپاره ځانګړې خونې جوړې شوې دي.

د ادارې په شپږم پوړ کې څلور ځانګړې خوب‌خونې جوړې شوې، چې پکې د IKEA بسترونه، څراغونه، او کمدونه شامل دي.
دا خونې د کنفرانس خونو ترڅنګ موقعیت لري او یواځې هغو کارکوونکو ته اجازه ورکول کېږي چې د لوړې کچې امنیتي اجازه‌لیک لري.

په ټولیز ډول په دولتي دفترونو کې خوب کول منع دي، “خو یوازې هغه وخت چې د ادارې رسمي چارواکي یې اجازه ورکړي.

کارپوهان وايي دا پرېکړه ښيي چې د ایلون ماسک سیاسي نفوذ د محدودېدو په حال کې دی.

دا پداسې حال کې ده چې د ماسک شرکتونه لکه SpaceX او Tesla، لا هم له دولت سره نږدې اړیکې لري.

اوس پوښتنه دا ده ایا ماسک به د مشورتي رول منلو ته دوام ورکړي، که د سیاسي نفوذ بېرته ترلاسه کولو هڅه وکړي؟