د شمیرو له مخې په افغانستان کې له ۸۴۰ زره ډیر افغانان لا هم امریکا ته د تګ له پاره انتظار باسي، داسې کسان چې د امریکا د بیا میشتیدنې په پروګرام کې یې نوم لیکنه کړې ده.
د پنجشنبې په ورځ د امریکا متحده ایالاتو د بهرنیو چارو وزارت د عمومي مفتش لخوا خپور شوی راپور هغه ګامونه په ګوته کوي چې دې ادارې د افغانانو لپاره د ځانګړي مهاجرت ویزو پروسس ښه کولو لپاره اخیستي. خو له افغانستان څخه د امریکا له وتلو او واک ته د طالبانو له راتګ دوه کاله وروسته هم امریکا ته د افغانانو د انتقال په برخه کې ننګونې لا په ځای پاتې دي.
د امریکا د ویزې پروګرام په ۲۰۰۹م کال کې د امریکا متحده ایالاتو د ځايي همکارانو هغو افغان کارمندانو سره د مرستې لپاره پیل شو چې د امریکایانو سره په ګډه یې په افغانستان کې کار کړی وو او د خپل دغه کار له کبله د پام وړ خطرونو سره مخ وو. د عراقیانو له پاره هم دغه ډول یو ورته پروګرام شتون لري. په امریکا متحده ایالاتو او له دې هیواده بهر د امریکا دواړه پروګرامونه له انتقادونو سره مخامخ شوي دي.
په ورته وخت کې له افغانستانه امریکا متحده ایالاتو ته د تلونکو افغانانو په غوښتنلیکونو کې هم زیاتوالی راغلی دی. د امریکا متحده ایالاتو د بهرنیو چارو وزارت د یاد راپور له مخې، د ۲۰۲۱ کال په اکټوبر کې له ۳۰،۰۰۰ څخه لږ غوښتونکي وو، خو د ۲۰۲۲ کال تر ډسمبر پورې دا شمېر شاوخوا ۱۵۵۰۰۰ غوښتنلیکونو ته لوړ شوی دی. په دې شمیرو کې د غوښتنلیکونکو د کورنۍ غړي شامل نه دي.
د امریکا متحده ایالاتو د بهرنیو چارو وزارت اټکل کوي چې د روان کال د اپریل تر میاشتې پورې له ۸۴۰ زرو څخه زیات افغانان لا هم افغانستان کې دي، داسې افغانان چې د امریکا د ځانګړي ویزې پروګرام له پاره یې نوم لیکنه کړې او دا چې په دې کسانو کې د دوی د کورنیو غړي هم شامل دي.
د امریکا د بهرنیو چارو وزارت په حواله هر څوک چې درخواست کوي نه منل کیږي او زیاتوي چې شاوخوا ۵۰ سلنه د ویزې غوښتونکي د پروسې په پیل کې په کلیدي مرحله کې په شرایطو برابر نه وي او درخواستونه یې رد کیږي. یاد وزارت ویلي چې امریکا متحده ایالاتو تر اوسه پورې نیږدې ۳۴ زرو افغانانو ته د امریکا ویزې ورکړي او دا چې د تیرو کلونو په پرتله د پام وړ زیاتوالی ښيي.
سربیره پر دې، دغه وزارت ویلي چې د کارونو د چکټتیا له پاره یې لا ډیر کارمندان استخدام کړي او دا چې د امریکا له دفاع وزارت یا پتناګون سره یې هم د افغان محلي کارمندانو د تصدیق له پاره همغږي ډیره کړې ده.
دویچه ویله
***************************************
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.