د ملګرو ملتونو په حواله په افغانستان کې د پوليو يا ګوزن د واکسيناسيون د ډلې اته کسه کارکوونکي په څلورو جلا بريدونو کې وژل شوي دي.
د فرانسې خبري آژانس په حواله طالبانو ويلي دي چې د دې پېښو «خبرونه یې ترلاسه کړي» او هڅه کوي چې نور معلومات هم ترلاسه کړي. ياد خبري آژانس په دې اړه جزيات نه دي ورکړې چې آيا په وژل شويو کې ښځې هم شاملې دي او که څنگه.
د طالبانو د روغتيا وزارت يوه وياند جاويد د فرانسې خبري آژانس ته وويل: «زموږ تګلاره روښانه ده. موږ غواړو چې واکسين تطبيق شي او د افغانستان هغه ټول ماشومان چې لا پنځه کلن شوي نه دي، وساتل شي.»
د ملګرو ملتونو له خوا ويل شوي دي چې يو تن واکسيناتور په بلخ ولایت کې وژل شوی او اوه نور بيا په کندز ولایت کې چې څلور یې په کندز ښار کې وژل شوي دي.
ملګرو ملتونو زياته کړې ده چې دغه کسان ځیني یې کور په کور ګرځيدل او ځيني نور بيا د واکسيناسيون د پېل له پاره پر لاره ول.
په افغانستان کې واک ته د طالبانو تر رسېدو د مخه هم په وار وار د پوليو ټيمونه د وسله والو له خوا په نخښه کيدل. يادې ډلې چې کله قدرت ونيوه نو ویې ویل چې غواړي د دې ناروغۍ د له منځه وړولو له پاره د ملګرو ملتونو سره همکاري وکړي.
په ماضي کې هم په افغانستان او همدا راز په ګاونډي هېواد پاکستان کې د پوليو پر کمپاينونو د جاسوسۍ تورونه لګول کیدل ځکه چې ځيني ديني عالمان دا واکسين د مسلمانانو نارينه وو د خصي کولو توطيه بولي.
ملګرو ملتونو د پوليو پر ډلو د بريد په تړاو د يوې اعلامیې په خپرولو سره ويلي: «دا بې معنا تاوتريخوالی باید ژر تر ژره ودريږي. مسئولين یې بايد وپلټل شي او مجازات شي. دغه بريدونه د نړيوالو بشري حقونو څخه سرغړونه ده.»
افغانستان او پاکستان د نړۍ هغه دوه وروستي هيوادونه چې اوس هم پکې د پوليو يا ګوزن ناروغي شته، خو دا په داسې حال کې ده چې پاکستان تېره مياشت رپوت ورکړی وو چې په تاريخ کې په لومړي ځل يې په دې تېرو دولسو میاشتو کې د پوليو هیڅ مثبته پېښه نه ده ثبت کړې.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.