سهار وختي په نهاره خوله د څو دانې ممیزو او بادامو خوړل یو ساده، خو ډېر ګټور عادت دی. دا دواړه طبیعي غذایي مواد د بدن لپاره مهم ویټامینونه، منرالونه او انرژي برابروي، چې د ورځې پیل لا ښه او فعاله کوي.
ممیز او بادام کوم غذایي مواد لري؟
ممیز:
ممیز د طبیعي بورې، اوسپنې، فایبر، پوتاشیم او انتياکسیدانونو ښه سرچینه ده.
دا بدن ته ژر انرژي ورکوي او د وینې په جوړېدو کې مرسته کوي.
بادام:
بادام صحي غوړ، پروټین، ویټامین E، مګنیزیم او اومیګا مواد لري.
دا د دماغ، زړه او پوستکي لپاره ډېر ګټور ګڼل کېږي.
د سهار په نهاره د ممیزو او بادامو مهمې ګټې!
۱- دماغ پیاوړی کوي:
بادام صحي غوړ او ویټامین E لري چې د حافظې، تمرکز او ذهني فعالیت په ښه والي کې مرسته کوي.
ممیز طبیعي ګلوکوز لري چې دماغ ته چټکه انرژي رسوي.
۲- د زړه روغتیا ښه کوي:
بادام د خراب کولېسټرول کمولو کې مرسته کوي او د زړه لپاره ګټور غوړ لري.
ممیز پوتاشیم لري چې د وینې فشار په کنټرول کې مرسته کوي.
۳- د وینې د کمښت مخه نیسي.
ممیز د اوسپنې ښه سرچینه ده او د وینې د سرو حجرو په جوړېدو کې مرسته کوي، نو د کمزورۍ او بېحالۍ احساس کموي.
۴- هاضمه ښه کوي.
ممیز فایبر لري چې قبض کموي او کولمې منظموي.
په نهاره خوله یې خوړل معده د ورځې خوړو ته چمتو کوي.
۵- بدن ته طبیعي انرژي ورکوي.
د ممیزو طبیعي بوره او د بادامو صحي غوړ د ورځې لپاره دوامداره انرژي برابروي او د ژر ستړي کېدو مخه نیسي.
۶- هډوکي پیاوړي کوي
بادام کلسیم، مګنیزیم او فاسفورس لري چې د هډوکو او غاښونو د پیاوړتیا لپاره مهم دي.
۷- اعصاب آراموي او مزاج ښه کوي
بادام مګنیزیم لري چې د اعصابو آرامولو او د ذهني فشار کمولو کې مرسته کوي.
د چا لپاره ګټور دي؟
. ماشومانو لپاره
. زدهکوونکو او محصلینو لپاره
. د ذهني کار کوونکو لپاره
. کمزورو او بېحاله کسانو لپاره
.لویانو او سپینږیرو لپاره
د استعمال سمه طریقه:
۵–۷ دانې بادام د شپې په اوبو کې لمدې کړئ او سهار یې وخورئ.
۷–۱۰ دانې ممیز هم له مینځلو وروسته استعمال کړئ.
له اندازې زیات استعمال مه کوئ، ځکه ډېر ممیز بوره لري.
کوم کسان احتیاط وکړي؟
د شکر ناروغان دې ممیز په کمه اندازه استعمال کړي.
هغه کسان چې د مغزاتو حساسیت لري، باید له ډاکټر سره مشوره وکړي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.