د شکرې ناروغیو د کنټرول لپاره ۵ طبیعي او غوره خواړه

شکر یوه داسې ناروغي ده چې که کنټرول نه شي، د بدن د نورو غړو لکه (سترګو، پښتورګو او زړه) دښمن جوړېږي.
دلته پنځه مهم طبیعي مواد او د هغوی د کارولو سمه طریقه درپېژنو:
دارچین (Cinnamon)
دارچین د انسولین په څېر عمل کوي. دا په حجرو کې د قند جذب اسانه کوي او په وینه کې د شکر کچه په طبیعي ډول راټیټوي.
لارښوونه:په ورځني ډول له ۲ څخه تر ۳ ګرامه (نیمه کاشوغه) د چای یا اوبو سره وکاروئ.

مېخک (Cloves)
مېخک نه یوازې د خولې بوی خوشبويه کوي، بلکې د التهاب ضد قوي خاصیت لري چې د شکر د عوارضو مخه نیسي.
لارښوونه: په ورځ کې ۲ دانې مېخک په خپله ډوډۍ یا چای کې شامل کړئ.
سور مرچ (Red Chili) شکر د وینې جریان ټکنی کوي، خو سور مرچ د وینې رګونه خلاصوي او د جریان په پیاوړي کولو کې مرسته کوي.
لارښوونه:په خوړو کې یې په کمه اندازه وکاروئ، خو که د معدې تیزابیت لرئ، احتیاط وکړئ.

کورکمن/زردچوبه (Turmeric)
دا د “طبیعي انټي بیوټیک” په نوم یادېږي. زردچوبه یا کورکمن د بدن دفاعي سیستم پیاوړی کوي او د هغو زخمونو مخه نیسي چې د شکر ناروغان ورسره مخ کېږي.
لارښوونه:یوه نیمه کاشوغه په ګرمو شیدو یا سالن کې ګډه کړئ.
هوږه (Garlic)
هوږه د زړه ملګرې ده. دا د وینې فشار کنټرولوي او د زړه د پمپ کولو توان زیاتوي، چې د شکر ناروغانو لپاره حیاتي او غوره درمل دي
لارښوونه: هره ورځ یو یا دوه کوچني کلي (دانه) هوږه په خالي معده یا له ډوډۍ سره وخورئ.
مشوره: هره ورځ لږ تر لږه ۳۰ دقیقې چټک قدم وهل د شکر تر ټولو غوره درملنه ده.د ورځې ۸ ګیلاسه اوبه وڅښئ ترڅو ستاسو پښتورګي پاک پاتې شي.
پرهیز: له سپینې بورې، خوږو مشروباتو او ډېرې سرې شوې غوښې څخه په کلکه ډډه وکړئ.