د نوي زیږیدلي ماشوم ژړا د ژوند د پیل لومړۍ نښه

د ماشوم لومړۍ ژړا یوازې یو عادي غږ نه وي، بلکې د ژوند لومړنۍ نښه او د نوي سفر پیل وي.

کله چې ماشوم د مور په رحم کې وي، د هغه سږي له هوا څخه نه، بلکې د مور له لارې اکسیجن اخلي. په رحم کې د ماشوم سږي د مایعاتو څخه ډک وي او د تنفس اړتیا نه وي، ځکه ټول اکسیجن د ناف له لارې ورته رسېږي.

خو د زیږون له شیبې وروسته هر څه بدلېږي…
کله چې ماشوم لومړۍ ژړا وکړي:
– سږي یې لومړی ځل پراخیږي او هوا پکې داخلیږي.
– اکسیجن د وینې له لارې د بدن هرې حجرې ته رسېږي.
– د وینې دوران بدلېږي او ماشوم خپل مستقل ژوند پیلوي.
– هغه ځانګړې لارې چې په رحم کې د وینې د جریان لپاره موجودې وې، ورو ورو تړل کېږي.

– د ماشوم زړه او سږي د رحم نه بهر د ژوند لپاره عیارېږي.
ډاکټران او قابله‌ګانې د ماشوم لومړۍ ژړا ته ځکه ډېر اهمیت ورکوي چې دا د ښه تنفس او سالم ژوند نښه ګڼل کېږي. که ماشوم ژر وژاړي، اکثره وخت دا ښيي چې سږي یې ښه کار پیل کړی دی.
ځینې وختونه ماشوم لږ ځنډ وروسته ژاړي، نو ډاکټران یې په نرم ډول تحریکوي تر څو تنفس منظم شي. البته هر ماشوم یو شان نه وي، او ځینې ماشومان پرته له لوړ غږه هم ښه تنفس کوي.

د نوي زیږیدلي ماشوم ژړا:
– د ژوند پیل دی
– د تنفس لومړۍ نښه ده
– د مور لپاره د خوشحالۍ تر ټولو ښکلی اواز دی

ځینې ژړاګانې درد وي…
خو د نوي زیږیدلي ماشوم ژړا د ژوند تر ټولو ښکلی اواز وي.