د غاښو کریم څه کولای شي؟
د غاښو د پاکوالي لپاره د غاښو کریم په استعمال خو هر عام و خاص خلک په خبر دي ، چې کریم هم غاښونه پاکوي، هم يې له ناروغيو او درده څخه ساتي. خو له دې به نه يئ خبر چې د غاښو کریم د مخ دانې ختموي، دلاسونو بوي ختموي او نور هغه کارونو کوي چې په اوریدو به یې هک پک شئ.
د لاسونو بوي ورکوي
د هوږه یا پیاز د پرې کولو وروسته که لاسونه ومینځل شي بیا هم هغه لاسونه بوی کوي او آن تر دې چې صابون همد پیازو او هوږې د بوی په ورکولو زور نه رسیږي خو که لږه اندازه د غاښو کریم په لاس باندې وموښل شي او بیا ومینځل شي د لاسونو بوي به ډیر ژر ورسره ورک شي.
زیورات «سره او سپين زر» پاکوي
ددې پر ځای چې د سپينو یا سرو زرو د پاکولو لپاره زرګر ته ورشئ او ډيرې پیسې ورکړئ، لنډ یو کار وکړئ چې د غاښوکریم یو ځل وازمویئ. بس د غاښو کریم لږه اندازه د زیوراتو د پاسه ولګوئ، د ګوتو په څوکو يې ومښئ او بیا یې په رخت یعنې تکه باندې صاف کړ، ګورئ چې د غاښو کریم څه کوي؟
له دیوالونه رنګونه او خطونه ایسته کوي.
ماشومان خو ګلان دي، خو په شوخې کې بیا له چا کم نه دي. ماشومانو د نورو شوخیو سربېره په دیوالو د خطونولیکلو او رسمونو اچولو ډير شوقیان وي، چې مېندې ي بیا په صفا کولو کې له ستر چېلینج سره مخ وي. که مېندېدغه خطونه او رسمونه پاکوي نو غاښو کریم سخت کار ورکوي، بس دومره تکلیف دې وکړي چې د غاښونو کریم دې لږ په رخت باندې واچوي او بیا دې داغ شوي ځایونو پرې پاک کړي، په ثانیو کې به ډیر فرق وویني.
د عینکو پاکول
عینکې د ډیر استعمال سره خیري نیسي او ناپاکه کیږي، چې د پاکوالي لپاره يې اوبه هم بیا کار نه ورکوي، خو غاښوکریم بیا هغه څه چې نور یې له کولو عاجز شي، سرته رسوي. بس لږه اندازه د غاښو کریم د عینکو په شیشو واچوئ او په لوند رخت باندې عینکې پاکې کړئ، عینکې به مو نوې جدید شي.
د مخ دانې او داغونه ورکوي
که څه هم ددې اوریدل حیرانوونکي دي خو حقیقت دا ده چې د غاښو کریم استعمال د مخ دانې او داغونو په ورکولو کې مهم رول لوبوي. لږه اندازه د غاښو کریم د مخ په هغه برخه چېرې چې دانې دي، ولګوئ او بیا یې پاککړئ، تر پاکوو وروسته به د غاښو کریم اثر ډیر ژر وګورئ
د نوکانو ساتنه کوي
نوکان هم لکه غاښونه ډیر ساتنې ته اړتیا لري. د غاښو کریم د غاښو سربېره نوکان هم روغ او رمټ ساتي. که خپل نوکان هره ورځ د غاښو په کریم ومینځئ نو یو و به مو نوکان پاک سوتره او ځلېدونکي وي او بل پلو به مونوکان ښه ښايسته، روغ او رمټوي.
د ماشومانو د بوتلونو بوی ورکوي
Comments are closed.