د ماشومانو د خولې څخه د لاړو بهېدل

د ماشومانو د خولې څخه د لاړو بهېدل (Drooling یا Sialorrhea)
د ماشومانو له خولې څخه د لاړو بهېدل یو عام حالت دی چې ډېری وخت اندېښنې ته اړتیا نه لري. دا حالت کله ناکله د طبیعي ودې برخه وي، خو ځینې وختونه د مختلفو ناروغیو له امله هم رامنځته کېږي.
#دلته یې مهم علتونه ذکر شوي دي:
1. د غاښونو راوتل:کله چې د ماشوم غاښونه راوتل پیل کړي، د ورۍ خارش پیدا کېږي. ماشوم هر څه خولې ته وړي او پرې خپلې ورۍ ټینګوي، چې له امله یې لاړې زیاتېږي او له خولې بهېږي.
2. د ستوني التهاب (Tonsilitis یا Pharyngitis):که ماشوم د ستوني درد یا التهاب ولري، د تیرولو توان نه لري او لاړې له خولې بهېږي.
3. د خولې زخمونه یا التهاب (Apthous ulcer):د خولې دننه زخمونه یا ورۍ التهاب هم د لاړو زیاتېدو سبب کېږي.
4. د کولمو چینجي:کله ناکله د ماشوم په بدن کې چینجي (worms) هم د لاړو زیاتوالي لامل ګرځي.
5. د خولې د عضلاتو کمزوري:که د خولې یا مخ عضلې کمزورې وي، ماشوم نشي کولای لاړې تیرې کړي
6. موسمي ناروغۍ:لکه زکام، نزله یا حساسیت هم د لاړو زیاتېدو لامل کېږي.
7. ځینې درمل:ځینې درمل هم د لاړو زیات بهېدو سبب ګرځي. نو په ډېری ماشومانو کې دا حالت کومه جدي ستونزه نه وي، او د عمر له زیاتېدو سره (اکثراً د ۱۵ میاشتو وروسته) پخپله ښه کېږي. خو که د لاړو بهېدل ډېر زیات وي، یا ورسره نورې نښې (تبه، د ستوني درد، زخمونه، یا د وزن کمېدل) موجود وي، نو د ډاکټر مشوره ضروري ده
یادونه:په ځینو سیمو (کورانیو)کې داسې یو رواج دی چه کله ماشوم د خولې څخه لاړې بهیږي نو د ماما ،یا د یو بل ماشوم باګه (نه پوهیږم تاسو څه ورته وایئ ) د ماشوم په خوله کې واهي ،ایا تاسو لدې خبر وئ ؟ معلومات په کمینټ کې ولیکئ .