مالگه د زړه لپاره مرګوني سپین زهر

مالګه چي کتغ او خواړو ته خوند ورکوي که تر نورمالي اندازې ډېره وکارول سي، د زړه او پښتورګو لپاره زهر او مرګ دی. تاسي به وایاست چي حلاله او حرامه کچه یې څونه ده؟

تر 5-6 ګرامه پوري اجازه لرئ خو که په ورځ کي تر یو نیم ګرام کمه وخوړه سي، بېخي به درته ګټوره وي. په نړۍ کي هره ورځ په زیاتو هیوادونو کي هر نفر تر 8 ګرامه زیاته مالګه نوشِ جوال (!) کوي؛ چي دا خورا زهرناکه او مرګونې ده. زموږ و ستاسي بدنونه یوازي نیم یا یو ګرام ته اړتیا لري. زیاته مالګه په رګونو کي درېږي او ځانته اوبه راکشوي چي دا محلول نری کړي؛ هغه بیا پر زړه او رګونو زور راولي چي په زوره زوره پمپ ووهي او بلاخره پر پښتورګو کار ډېروي چي دا محلولات چاڼ کړي او بدن له ناکاره توکو او پاته سوو پاک کړي.

زیاتره بندو او پاکټي خوړو ته خورا په پېخر (بېخرته) مالګه وراچوي؛ حتی هغو ته هم چي (بې مالګي) یې پر لیکلي وي نو د مالګي پرځای مو خواړه په سرک، لېمبو او مستو سره لا مالګین و خوندور کړئ.
مالګه پخپل ځان کي له (ما) او (لګه) تورو څخه رغېدلی دی؛ مانا دا چي مالګه وایي ما لږه (لګه) استعمالوئ.