د ډالر په مقابل کې پاکستانۍ کلدارې په بې ساري توګه خپل ارزښت له لاسه ورکړی دی. د پېسو نړيوال صندوق سره د خبرو د ناکاميدو د رپوټ تر خپريدو وروسته د دوشنبې په ورځ په آزاد باراز کې يو ډالر په ۱۷۳ کلدارو پلورل کيده.
خو د پاکستان د مالیې وزير د دوشنبې په ورځ د سيمه ایزو رسنيو هغه رپوټ رد کړی چې د پېسو د نړيوال صندوق سره د يو میليارډ يورو د پور د قسط په اړه خبرې اترې بې نتيجې وې. دغه خبرې اترې د اکتوبر له څلورمې څخه تر پنځلسمې نیټې پورې ترسره شوې وې.
د مالیې وزير د يوې اعلامیې په جاري کولو سره ويلي: «د پاکستان او د پېسو د نړيوال صندوق ترمنځ خبرې اترې په مثبت ډول پرمخ رواني دي. د خبرو اترو نتيجې ته د رسيدو له پاره په هیڅ پړاو کې هم کوم مهال ويش نه دی ټاکل شوی.»
په جون میاشت کې د دواړو اړخونو ترمنځ د ورته خبرو اترو په ترڅ کې د پور د قسط د ورکړې د شرطونو په اړه کوم توافق نه وو شوی.»
اقتصاد پوه، عاطف ظفر رويټرز خبري آژانس ته وويل: «د پاکستان او پېسو د نړيوال وجهي صندوق ترمنځ د خبرو اترو د ناکاميدو د رپوټونو تر خپريدو وروسته رامنځته شوی غير مطمن حالت د دې سبب شو چې د روپۍ ارزښت راټيټ شي.»
تېره میاشت د مالي خدماتو امريکايي شرکت « Fitch Ratings» د پاکستانۍ کلدارې په اړه د روان کال او همدا راز د راتلونکي کار له پاره خپلې وړاندوينې له سره ارزولي دي.
د دغه شرکت د وړاندوينې په حواله روان کال د ډالر پر وړاندې د پاکستانۍ کلدارۍ اوسط بيه ۱۶۴ ده چې مخکې دا بيه ۱۵۸ روپۍ اټکل شوې وه. د ۲۰۲۲م کال له پاره بيا د يوه ډالر بيه ۱۸۰ کلدارې اټکل شوې ده.
په پاريس کې د مالي فعاليت ځانګړې ډلې درې ورځنۍ غونډه هم د اکتوبر له ۱۹ تر ۲۱نيټې پورې جوړيږي. په نړيواله کچه د پېسو د سپینولو او ترهګرۍ د تمويل د مخنيوي د څار دغه ډله هم ښايي پاکستان د راتلونکو څلورو مياشتو له پاره په خپل خړ ليسټ کې وساتي. ويل شوي چې د دې پريکړې علت دادی چې پاکستان د نړيوال وجهي صندوق معيارونه په سمه توګه نه دي مراعت کړي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.