په یوه ښکلي کور کې یو کوچنی ماشوم اوسېده. هغه یو ډېر ښکلی ساعت درلود. ساعت به هر سهار له خوبه د ماشوم سره یوځای راویښ شو او په خوږ غږ به یې ویل:
«ټک، ټک! سهار شو، وخت د پاڅېدو دی!»
ماشوم به سترګې وغړولې، خو بیا به یې وویل:
«لږ نور به ویده شم، درس خو سبا هم شته.»
ساعت به ورو ورو روان و او ویل به یې:
«ټک، ټک! وخت تېرېږي، وخت بېرته نه راګرځي.»
یوه ورځ ماشوم د لوبو په کولو ډېر بوخت شو. سهار یې درس ونه لوست، غرمه تېره شوه او ماښام هم راغی. کله چې شپه شوه، ماشوم خپل کتاب پرانیست، خو ډېر ستړی و.
هغه خپل کوچني ساعت ته وکتل او ویې ویل:
«ولې وخت دومره ژر تېر شو؟»
ساعت ورته وویل:
«زه هره شېبه تا ته خبر درکوم، خو وخت یوازې هغه څوک ګټي چې قدر یې وکړي.»
ماشوم لږ فکر وکړ. بیا یې کتاب خلاص کړ او ویې ویل:
«له نن وروسته به خپل وخت نه ضایع کوم.»
له هغې ورځې وروسته ماشوم خپل وخت منظم کړ. سهار به یې درس لوست، بیا به یې له ملګرو سره لوبې کولې، د مور او پلار مرسته به یې کوله او د عبادت لپاره به یې هم وخت ځانګړی کاوه.
اوس به چې ساعت «ټک، ټک» کاوه، ماشوم به موسکی شو او ویل به یې:
«هو، کوچنیه ساعته! زه پوه شوم؛ هره شېبه د ژوند یوه قیمتي ډالۍ ده.»
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
