محرقه تبه څه ډول ناروغي ده؟

محرقه تبه (Typhoid Fever) څه ډول ناروغي ده؟

محرقه یوه بکتریايي انتاني ناروغي ده چې د Salmonella Typhi په نوم بکتریا له امله رامنځته کېږي. دا ناروغي ډېری وخت د ککړو اوبو او خوړو له لارې انسان ته انتقالېږي.

محرقه له څه شي څخه منځته راځي؟
• د ککړو اوبو څښل
• ککړ یا ناپاک خواړه خوړل
• د تشناب وروسته د لاسونو نه مینځل
• د ناروغ کس له ککړو خوړو سره تماس
• کمزوری حفظ‌الصحې

عامې نښې یې:
• دوامداره تبه
• سر درد او د بدن درد
• شدید ستړیا او کمزوري
• د اشتها کمېدل
• د نس درد
• زړه بدوالی او کانګې
• قبضیت یا نس ناستی

درملنه یې څنګه کېږي؟
محرقه د انټي‌بیوټیکونو په وسیله درمل کېږي، خو د درمل انتخاب باید د ډاکټر له خوا د ناروغ د حالت او د بکتریا د درملو حساسیت له مخې وشي.

د ډاکټر له خوا په مناسب حالت کې ممکن لاندې درمل وکارول شي:

Azithromycin
Ceftriaxone — په شدیدو مواردو کې
په ځینو مقاومو او پېچلو مواردو کې انټي‌بیوټیکونه
Ciprofloxacin په خپل سر مه کاروئ؛ ځکه د محرقې بکتریا په ډېرو سیمو کې د دې درمل پر وړاندې مقاومت لري.

تشخیص:
د محرقې د تایید لپاره Blood Culture (د وینې کلتور) مهمه ازموینه ده. یوازې د نښو یا یوې ازموینې پر اساس باید په خپل سر درملنه پیل نه شي.

ناروغ باید کافي مایعات وڅښي، استراحت وکړي او د ډاکټر سپارښتنې په بشپړه توګه تعقیب کړي.
که تبه ډېره لوړه وي، ناروغ بې‌هوښه کېږي، شدید د نس درد ولري، وینه په غایطه موادو کې ولیدل شي یا پرله‌پسې کانګې ولري، ژر تر ژره روغتون ته مراجعه وکړئ.

یادونه: د انټي‌بیوټیکونو بې‌ځایه استعمال د درملو مقاومت زیاتوي؛ نو د ډاکټر له مشورې پرته انټي‌بیوټیک مه کاروئ.