د دارچينې پټ راز

د دارچينې پټ راز
يوه ساده مساله، خو د ښځو او نارينه‌وو پر جنسي ميل باندې د پام وړ اغېزې

سريزه
دارچينه (Cinnamon)
دارچينه چې علمي نوم يې Cinnamomum verum دی، د نړۍ له تر ټولو پېژندل شوو او پخوانيو مسالو څخه ده. دا مساله له پخوا زمانو راهيسې نه يوازې د خوړو او څښاک د خوند او بوی لپاره کارېدله، بلکې په دوديزه طب کې د انرژۍ د پياوړتيا، د جنسي ميل د زياتولو، د عمومي روغتيا د ښه والي او د بدني او جنسي ځواک د ټينګښت لپاره هم کارول شوې ده.
معاصرو علمي څېړنو ښودلې چې دارچينه ګڼ فعال حياتي مرکبات لري، چې کولی شي د وينې دوران ښه کړي، د ټېسټوستيرون او نورو جنسي هورمونونو کچه لوړه کړي او په ښځو او نارينه‌وو کې جنسي توان پياوړی کړي، پرته له دې چې د کيمياوي درملو ناوړه عوارض ولري.
ځانګړتياوې او فعال مرکبات
دارچينه د فنوليکي مرکباتو، انټي‌اکسيدانونو، کورسين او سينامالډهايد بډایه سرچينه ده. دا ټول مرکبات د بدن د عمومي روغتيا په ساتنه او د جنسي فعاليت په پياوړتيا کې مهم رول لري.
فنوليکي مرکبات او انټي‌اکسيدانونه د التهاب په کمولو، د ازادو راډيکالونو په مهارولو او نسجونو ته د اکسيجن په رسولو کې مرسته کوي، چې دا چارې د انرژۍ او جنسي ميل د زياتېدو سبب ګرځي.
سينامالډهايد د ګلوکوز پر مېتابولېزم او د وينې پر جريان اغېز کوي او د بدن فزيکي ځواک او انرژي لوړوي. د دوديزې طب له نظره، دارچينه ګرم مزاج لري او معتدل استعمال يې د بدن داخلي تودوخه، عصبي سيستم او عمومي انرژي پياوړې کوي، چې دا ټول په غيرمستقيم ډول د جنسي ميل د زياتېدو لامل ګرځي.
غذايي ارزښت (په هر ۱۰۰ ګرامه کې)
که څه هم دارچينه عموماً په لږ مقدار کارول کېږي، خو په هر ۱۰۰ ګرامه کې د غذايي موادو لوړه زېرمه لري، چې دا ښيي څنګه دا بوټی حتی په کم مقدار کې هم پر مېتابولېزم، انرژۍ او عمومي روغتيا اغېز لرلی شي.
انرژي: شاوخوا ۲۴۷ کيلو کالوري
پروټين: ۴ ګرامه
غوړ: ۱.۲ ګرامه
کاربوهايدريت: ۸۱ ګرامه (چې ۵۳ ګرامه يې فايبر دی)
کلسيم: ۱۰۰۲ ملي ګرامه
اوسپنه: ۸.۳ ملي ګرامه
مګنيزيم: ۶۰ ملي ګرامه
پوتاشيم: ۴۳۱ ملي ګرامه
زنک: ۱.۸ ملي ګرامه
مس: ۰.۳ ملي ګرامه
منګنيز: ۲.۳ ملي ګرامه
ويټامين K: ۳۱.۶ مايکروګرامه
ويټامين C: ۳.۸ ملي ګرامه
ويټامين B6: ۰.۲ ملي ګرامه
دا ټول مواد د هډوکو، عضلاتو، عصبي سيستم، وينې، انرژۍ توليد او هورموني توازن لپاره مهم دي او په ګډه د بدن عمومي ځواک او جنسي روغتيا پياوړې کوي.
ګټې او ارزښتونه
دارچينه يوازې د جنسي ميل د زياتولو لپاره نه ده، بلکې پر بدن، روان او مېتابولېزم پراخ مثبت اغېز لري.
دا مساله د وينې دوران ښه کوي، رګونه پراخوي او اندامونو ته د وينې رسونه زياتوي، چې دا کار په نارينه‌وو کې د نعوظ پياوړتيا او په ښځو کې د طبيعي تحريک سبب ګرځي.
دارچينه د عصبي سيستم ملاتړ کوي، ذهني ستړيا کموي، تمرکز زياتوي او فشار راکموي. ځکه چې ذهني فشار او ستړيا د جنسي ميل د کمښت مهم لاملونه دي، نو دا اغېز ډېر ارزښت لري.
همدارنګه، دارچينه د وينې د شکر تنظيم کې مرسته کوي، التهاب کموي، حجرې ساتي او د زړه او رګونو روغتيا پياوړې کوي، چې دا ټول د جنسي روغتيا لپاره بنسټيز عوامل دي.
زيانونه او احتياطي سپارښتنې
د دارچينې ډېر استعمال کېدای شي د معدې سوځښت رامنځته کړي. د ځيګر ناروغان او هغه کسان چې دارچينې ته حساسيت لري، بايد په احتياط يې وکاروي.
د لويانو لپاره مناسبه ورځنۍ اندازه ۱ تر ۶ ګرامه ده او د منظم استعمال لپاره لږ تر لږه عمر ۱۲ کاله ټاکل شوی دی.
د استعمال طريقه
دارچينه د پوډر په بڼه چای، شيدو، خوږو او خوړو ته زياتېدلی شي، يا هم د کپسول او مکمل په توګه د ډاکټر تر سلا لاندې کارول کېدای شي.
پايله کې ويلي شو چې دارچينه د فعالو مرکباتو، بډایه غذايي ارزښت او د وينې د دوران او هورموني توازن پر ښه کولو سره، د جنسي ميل او عمومي روغتيا د پياوړتيا لپاره يو طبيعي او اغېزمن انتخاب دی. معتدل او هوښيار استعمال يې د ډېرو ګټو سبب ګرځي او د احتمالي زيانونو مخه نيسي.

۲/چې کله منطق تمام شي، څه به پیښ شي؟

زموږ انګلیسي ویبپاڼه: