ایپاک ټایمز: د افغان سولې لپاره؛ پاکستان باید د طالبانو له مالي ملاتړ راوګرځول شي

 افغانستان کې د رښتینې سولې د راتلو په موخه په لومړي ګام کې اړینه ده، چې پاکستان دې د طالبانو له ملاتړ څخه راوګرځول شي.
امریکا کې د مشهورې رسنۍ ایپاک ټایمز تحلېل کوونکو ویلي، چې افغانستان کې روانه جګړه د سیمې هېوادونو رښیتنې همکاري ته اړتیا لري.
نوموړو د پاکستان تر څنګ ایران او قطر هېوادونو ته په اشاره ویلي، چې یاد هېوادونه دې د طالبانو له مالي او تسلېحاتي ملاتړ لاس واخلي او خپلې رښتېنې هڅې دې وکړي.
د دوی په وینا، که څه هم له افغانستان څخه د امریکايي سرتېرو وتلو پروسه روانه ده، خو که یاد هېوادونه د طالبانو له ملاتړ لاس وانخلي؛ نو بیا به هم افغانستان کې د سیمه ییزو هېوادونو سیالي روانې وي.
دوی زیاته وایي، چې طالبان دې د جګړې پر ځای سیاسي هلې ځلې پیاوړې کړي، چې سولې ته ورسېږي.
دغه راز تېره ورځ افغانستان کې د کاناډا پخواني سفیر پر پاکستان یو ځل بیا نیوکه کړې وه، چې افغانستان کې دې خپلې نیابتي جګړې ته د پای ټکی کېږدي.
نوموړي طالبانو ته په اشارې ویلي و، چې اسرایلو له فلسطین سره اوربند وکړ؛ خو طالبان لا هم افغان وژنې ته دوام ورکوي او اوربند ته غاړه نه ږدي.