په موټر کي د کانګي(استفراق )سرچرخي حل او درملنه

په موټر کي د کانګي(استفراق )سرچرخي حل او درملنه

دي ناروغي ته په انګليسي موشن ناروغي (motion sickness) وايي په عمومي ډول د سوارلي په موټر کي دسفر پر وخت په طياره کي په کښتي کی د درياب د څپو په مقابل کي پيداکيږي د ټولني ديرش فيصده خلګ ددي مشکل سره مخ کيږي

د انسان د حرکتو کنترولونکی مرکز عصاب دي , عصابو ته د حرکت په ارتباط د دري ځايو څخه په همږغي سره سيګنالونه راځي لکه سترګي غوږونه د وجود بعضي نسجونه دي چي په عادي حرکتو کي په همږغي سره عصابو ته يو رقم سيگنال ورکوي مثال لکه په قدم وهلو کي …

اما کله چي تاسي موټر کي يا طياره کي سفر کوي د سیگنالو تر منځ همږغي نه وي موجود سترګي د حرکت سيگنال ورکوي غوږ د ولاړ سیگنال ورکوي همدغه ګډوډ سیگنالونه د انسان د سرچرخي او استفراق (خواگرځي) سبب وگرځي

دا ناروغي مرگوني نده اما انسان ځورونکي ناروغي ده د حل لاره سته د مسافري پر وخت لاندي لارښوونه عملي

* د سوارلي په موټر يا طياره کي داسي ځاي کښيني چي تا سي ته د حرکت جهت (طرف) معلوم سي او جهت درسره تعقيب کړي

* په موټر کښي کوښښ وکړي د مخ په چوکي کي کښيني چي لاره او جهت په خپل سترگو وويني

* په طياره کي د کړکي خواته کښيني تر کړکي د منظري کتلو ته ادامه ورکړي

* په طياره کښي کوښښ وکړي د وزر سره په نژدي چوکي کي کښيني ځکه وزر نسبت نورو برخوته ډير حرکت نلري تکان نه درکوي

* دسوارلي په موټر کي متوجي اوسي داسي چوکي بايد انتخاب نکړي چي د حرکت جهت يوي خواته وي او ستا مخ بلي خواته وي

دواګاني هم لري مؤثري دي بايد د ډاکتر په مشوره استعمال سي چي دټابليټ او ستني (بيچکاري)په شکل سته يو ښه مثال يي د دواګانو درته ليکم

ډيمين هايدرينيټ (dimenhydrinate) چي ډرامامين (dramamine) هم ورته وايي مؤثره دوا ده د پنځوس (50mg) او سل (100mg) ملي ګرامه په اندازه ټابليتونه لري د حامله ښځي لپاره هم استفاده کيداسي ځکه د بي(B) ګروپ څخه دي

ټابلیت که د غذا سره و خوړل سي که بيله غذا مشکل نسته

د بالغ انسان لپاره په هر شپږ(4-6) ساعته کي يوه ګولي استعمال کولاي سي په ورځ کي تر دري ځلي اضافه بايد استعمال نسي

د ماشومانو لپاره چی عمر يي د 2-6 تر منځ وي نيمه ګولي (25-12,5mg) استفاده کولاسي

Dimenhydrinate ampoule
ستنه يا بيچکاري
تر دولس کلني لوړ انسانانو لپاره استعماليږي په څلور يا شپږ ساعته کي 50-100 ملي ګرامه استعماليږي. په څلرويشت ساعته کي مجموعه بايد تر 400 ملي ګرامه اضافه نسي
ستنه يا انجکشن تر سفر ديرش يا شپيته د قيقي مخکي لگول کيږي
ستنه(امپول )د رگ يا د غوښي د لاري استعمال کيداسي
کله چي د رګ د لاري استعماليږي بايد په لس ملي ليټره 10ml سوديم کلورايډ %0.9 Nacl کي گډ بيا د دوه دقيقو په جريان کي کرار کرار ورته والگول سي.

د دوا منفي تاثيرا (جانبي عوارض) بايد په نظر کي ورسره ونيول سي لکه د نس درد ، ساه لنډي ، پرمخ شونډانو ،ژبه او ستوني پړسوب …

په لاندي حالتو کي بيايد نسي استعمال لکه د پښتورګي او ينه (جيګر) شديد مشکلات ولري ..