کابل (پژواک، ۱۲ وری ۱۴۰۵): د روسیې د دفاع وزارت ویلي چې د دغه هېواد د کریمیا ټاپو کې د یوې پوځي ترانسپورټي الوتکې لوېدو له امله ۲۹ کسان مړه شوي دي.
د رویټرز د راپور له مخې، دغه الوتکه د سېشنبې په ورځ د کریمیا پر فضا د یوې له مخکې پلان شوې الوتنې په ترڅ کې په ځايي وخت ماښام شاوخوا شپږ بجې د رادار له پردې ورکه شوه او وروسته د لټون ټیمونو د پېښې ځای وموند.
د ورکړل شوو معلوماتو له مخې، په الوتکه کې ۶ کسان عمله او ۲۳ مسافر سپاره وو چې ټول مړه شوي دي. د پېښې له ځایه راپورونه ښيي چې هیڅ یو کس هم ژوندی نه دی پاتې.
د روسیې د دفاع وزارت ویلي چې د دې پېښې لامل ښايي تخنیکي ستونزه وي او داسې کومه نښه نه ده موندل شوې چې ګواکې الوتکه له کوم بهرني عامل لکه توغندي، بېپیلوټه الوتکې یا مرغانو سره ټکر شوې وي.
په اعلامیه کې راغلي چې د پېښې د لا څېړنې لپاره یو پوځي پلاوی د پېښې ځای ته استول شوی او هلته پر څېړنو بوخت دی.
د «An–۲۶» ډوله الوتکې له ۱۹۶۰م لسیزې راهیسې په خدمت کې دي او عموماً په لنډو او منځنیو واټنونو کې د کسانو او بار د لېږد لپاره کارول کېږي؛ خو په وروستیو کلونو کې دغه ډول الوتکې په څو مرګونو پېښو کې هم ښکېلې پاتې شوې دي.
کریمیا چې په ۲۰۱۴ کال کې له روسیې سره الحاق شوه، د تور سمندر پر غاړه یوه غرنیزه سیمه ده.
زموږ انګلیسي ویبپاڼه:
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.