نن د زده کړو نړیواله ورځ ده خو ……
نن د زده کړو نړيواله ورځ ده. هغه ورځ چې نړۍ په کې د پوهې، شعور او رڼا ارزښت لمانځي، خو په همدې ورځ د افغان نجونو پر مخ د ښوونځیو او پوهنتونونو تړلې دروازې د انسانیت پر وجدان دروند سوال ږدي.
زده کړه د انسان بنسټیز حق دی، امتیاز نه دی. خو په افغانستان کې نجونې له همدې حقه بې برخې ساتل شوې دي. دا بندیز یوازې د څو ټولګیو دروازې نه دي تړلې، بلکې د میلیونونو ذهنونو، هیلو او راتلونکو کلونو پر مخ یې تیارې خپرې کړې دي. یو ملت هغه مهال فلج کېږي چې نیمایي وګړي یې له فکر، قلم او پوښتنې محروم کړل شي.
افغان نجونې یوازې د کتاب پاڼې نه غواړي، بلکې د خپل وجود د بشپړتیا حق غواړي. ښوونه او روزنه د اخلاقو، اقتصاد، سولې او پرمختګ زېربنا ده، او د دې لارې بندول د ټولنې د سبا وژنه ده. تاریخ شاهد دی چې کوم قوم له زده کړو مخ اړولی، هغه د زمانې له کاروانه پاتې شوی دی.
نن که نړۍ رښتیا هم د زده کړو ورځ لمانځي، نو باید دا ورځ یوازې د شعار تر بریده محدوده نه وي. د افغان نجونو غږ باید واورېدل شي، د دوی حق باید ومنل شي، او د ښوونځیو او پوهنتونونو تړلې دروازې باید بېرته پرانیستل شي. ځکه چې زده کړه د یو جنس نه، بلکې د ټولو انسانانو حق دی، او بې له زدکړې هېڅ ټولنه رښتینی سبا نه لري.
زموږ انګلیسي ویبپاڼه:
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.