!!!زعفران: د افغانستان د تریاکو بدیل

زعفران یو داسې قیمتي نبات دی چې نه یوازې د ښکلي رنګ او ښه بوی له امله پیژندل کېږي، بلکې د روغتیايي ګټو، اقتصادي ارزښت، او نړیوال بازار کې د لوړ مقام له مخې هم ځانګړی اهمیت لري. دا نبات د افغانستان په ځانګړې توګه د هرات په ولایت کې کرل کېږي، او وروستیو کلونو کې د هېواد د “سرو زرو” په نوم شهرت موندلی دی.

د زعفران پېژندنه
زعفران (Crocus sativus) یو نبات دی چې نازک، ارغواني ګلونه لري. د دغه نبات اصلي قیمتي برخه د ګل منځنۍ سور رنګه تارونه دي، چې په ډېر احتیاط سره په لاس جمع کېږي .

یو کیلو ګرام زعفران لپاره تقریباً ۱۵۰ زره ګلونه اړین دي، چې دا چاره هغه ډېر قیمتي کوي.

زعفران په افغانستان کې

افغانستان له طبیعي اقلیم، وچې هوا، او لوړې ارتفاع څخه په ګټې اخیستنې، د زعفرانو د کرلو لپاره یو له غوره ځایونو څخه دی. دا نبات تر ډېره د هرات، فراه، بدخشان، او بلخ په ولایتونو کې کرل کېږي، خو هرات یې لوی تولیدوونکی مرکز ګڼل کېږي.

د افغانستان زعفران د کیفیت له پلوه د ایران، هند، او هسپانیې زعفران ته ټینګه سیالي ورکوي، آن د دوبۍ، امریکا، هندوستان، چین، او اروپايي بازارونو ته صادرېږي.

درملیز ارزښت
زعفران د طب له پلوه ګڼې ګټې لري. دا نبات:
د اعصابو اراموونکی دی
د زړه د ناروغیو ضد خاصیت لري
د سرطان ضد انتي اکسیدان لري
هاضمه قوي کوي
د سترګو بینایي ښه کوي
د خفګان، بې‌خوبۍ، او اضطراب پر ضد کارېږي
د ښځو د حیض ناروغیو او رحم د ستونزو لپاره ګټور ګڼل کېږي

زعفران او خوراکي استعمال
زعفران د غذايي او مشروباتو په برخه کې هم ارزښت لري:
په چای، قهوه، شیدو، او خوږو کې کارېږي
د پلاؤ، حلوا، کباب، او قیمتي خوړو اصلي خوند او رنګ ورکوونکی دی
په روغتیايي مشروباتو، آیس‌کریم، او کیکونو کې هم استعمالېږياقتصادي ارزښت

زعفران یو له تر ټولو قیمتي زراعتي محصولاتو څخه دی. د نړۍ په بازارونو کې یو کیلو خالص زعفران آن تر ۵،۰۰۰ ډالرو زیات پلورل کېږي. دا محصول لږ ځمکه، کمې اوبه، خو ډېر کار ته اړتیا لري، چې د وچکالۍ له امله هم مناسب کرنیز بدیل ګڼل کېږي.

افغان بزګران، که د زعفران روزنه ښه وکړي، کولای شي د تریاکو له خطرناکې کرکېلې لاس واخلي او د حلال، قانوني، او با ارزښته عاید خاوندان شي.

زعفران: د تریاکو بدیل

د تریاکو کر نه یوازې له شرعي او اخلاقي پلوه ناسمه ده، بلکې نړیوال بندیزونه، نشه‌يي توکو ته لېوالتیا، او د جرمونو زیاتوالی هم رامنځته کوي. زعفران د تریاکو لپاره یوه مثبته او مشروع بدیله لاره ده. هغه بزګران چې زعفران کري، نه یوازې ښه عاید تر لاسه کوي، بلکې د ټولنې، چاپېریال، او راتلونکو نسلونو لپاره هم د یو سوکاله ژوند بنسټ ږدي.

البته زعفران د افغانستان لپاره یو طبیعي خزانه ده. که دولت، خصوصي سکتور، او بزګران په ګډه هڅې وکړي، زعفران نه یوازې کولای شي د هېواد اقتصاد ته وده ورکړي، بلکې د نشه‌يي توکو ځای ونیسي، د ښځو لپاره کار پیدا کړي، او افغانستان د نړۍ په زعفرانو کې یو برلاسی نوم کړي.

زعفران — د سرو زرو غوندې خو له ځمکې راټوکېدلی امید!
درنښت ….. یارب 🤲🏻

د ډبرو سکرو شتمني: له زرین فرصتونو تر ناتمام برخلیک پورې

Donate د دعوت رسنیز مرکز مرسته وکړئ