د زلزلې د قرباني کورنيو بې سرپرته ماشومانو برخليک به څه وي؟

640

د زلزلې د قرباني کورنيو بې سرپرته ماشومانو برخليک به څه وي؟

د ملګرو ملتونو په حواله د افغانستان په جنوب ختیځ کې په زلزله کې د وژل شويو ماشومان شمير ۱۵۵ تنو ته لوړ شوی دی. همدا راز يو شمير ماشومان بې سرپرسته شوي هم دي چې د راتلونکي په اړه یې اندېښنې شته.

د ملګرو ملتونو د بشري مرستو همغږي کوونکې ادارې اوچا د يکشنبې په ورځ ويلي دي چې د افغانستان د وروستۍ خونړۍ زلزله په ترڅ کې نور ۲۵۰ ماشومان ټپيان شوي هم دي. دغه زلزلې چې د ريشتر په مقياس یې اندازه ۶،۱ ښوولې شوې وه، د خوست او پکتيکا په غرنيو سيمو کې یې سخت زيان ارولې دی.

تر ټولو ډېر ماشومان د پکتيکا په ګيان ولسوالۍ کې چې سخته ويجاړه شوې ده، وژل شوي دي. د ملګرو ملتونو د بشري مرستو د همغږۍ دفتر  د هغو ماشومانو شميره هم په ډاګه کړې ده چې د زلزلې له امله یې د کورنۍ ټول غړي او يا مور او پلار له لاسه ورکړي دي. ياد دفتر د دغو ماشومانو شمير ۶۵ ښوولی دی. دغه ماشومان چې دمګړۍ د خپلو خپلوانو په کورونو کې ژوند کوي، برخليک یې د اندېښنې وړ دی.

د زلزلې په ترڅ کې په ګيان ولسوالۍ کې يو داسې بې سرپرسته ماشوم هم شته چې اوه او يا اته کاله عمر لري، او د مور او پلار په ګډون یې د کورنۍ ټول ۹ غړي وژل شوي دي.

د ګيانې ولسوالۍ يوه تن اوسيدونکي اسدالله ارين، له دويچه ويله سره په خبرو کې وويل چې د دغه ماشوم برخليک معلوم نه دی چې اوس چيرته دی. هغه زياته کړې چې د دې ډول ماشومانو شمير کم نه دی.

همدا راز يو بل ماشوم چې د کورنۍ ټول نارينه غړي یې وژل شوي دي، د کورنۍ يو مشر یې په عربي اماراتو کې دی او اوس یې هېواد ته ستنېدو هوډ کړی دی څو د دغه ماشوم کفالت پر غاړه واخلي.

د سيمې يوه قومي مشر محمد علي ځدراڼ، له دويچه ويله سره په خبرو کې وويل: «د هغو ماشومانو چې بې سرنوشته پاتې دي او اوس د خپلوانو په کورونو کې ژوند کوي، د هغوی راتلونکی نامعلوم دی. د دوی راتلونکی تياره دی. هغوی ته بايد پام وشي.»

Related Posts
1 of 53,599

نوموړی زياتوي چې دمګړۍ خو هر څو له دغو ماشومانو سره خواخوږی ښیي، خپلوان او نور خلک هم. خو راتلونکي ته یې باید پام وشي.

ملګرو ملتونو د دوشنبې په ورځ ويلي دي چې هڅه کوي هغه ماشوم بيرته له خپلو کورنيو سره يوځای کړي چې تر زلزلې وروسته د ګډوډۍ په ترڅ کې له کورنیو جلا شوي دي. دې بنسټ همدا راز ويلي دي چې په ګیان ولسوالۍ کې یې د هغو ماشومانو له پاره چې د ناورين پر ترڅ کې ډېر ويريدلي، د وړيا رواني مرستو د رسولو له پاره کلينکونه رامنځته کړي دي.

د سيمې اوسنی وضعيت

دغه قومي مشر وويل چې د پکتيکا برمل او ګيان ولسواليو کې وضعيت د پخوا په پرتله اوس نسبتاً ښه شوی دی او د خوراکي توکو او لومړنيو اړتياو ستونزه تر يوه حده حل شوې ده. خو هغه زياتوي چې د سړک، کلينک او ښوونځي ستونزې اوږد مهاله دي.

ځدراڼ زياته کړې چې دوی دمګړۍ د هغه ۱۲ ميليونو افغانيو په حدودو کې مرسته چې د کابل په سرای شهزاده کې راټول شوې ده، د انتقالولو په حال کې دي. هغه وويل چې دا مرسته یې يو څه د نغدو پيسو او نوره د توکو په شکل ده.

واک ته د طالبانو تر رسېدو او له هېواد څخه د بهرنيو ځواکونو تر وتلو وروسته بهرنۍ مرستې له يوه سره ودرېدې. اوس په داسې حال کې چې لوږه، بې وزلي او اقتصادي سقوط دغه هېواد ګواښی، تازه زلزله به د کابل د حکومت د مرستې وړتياوو او د نړيوالې ټولنې مرستې ته د چمتووالي له پاره يوه آزموينه ده.

د لوېديځ هېوادونه چې طالبان په رسميت نه پيژني له دوی څخه د يوه ټولشموله حکومت د جوړولو او بشري حقونو ته د درناوي غوښتنه کوي. خو پر دې محدوديتونو سره سره طالبانو له نړيوالې ټولنې د مرستې غوښتنه کړې ده.

د افغانستان طالب واکمنانو په زلزله کې د وژل شويو شمير ۱۱۵۰ تنه ښوولی دی، په داسې حال کې چې ملګرو ملتونو بيا په زلزله کې د وژل شويو شمير يو څه ټيټ يعني ۷۷۰ ښوولی دی خو ويلي یې دي چې دغه شمير ښايي لوړ شي.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.