نوي زېږېدلي کوچنیان څنګه ځواکمن کېدای سي؟/ ډاکټر نادیه

تاسو به په خپلو سیمو کي چاغ، ډنګر، جګ او یا هم لنډ کوچنیان ډېر لیدلي وي.
راځئ چي نن پر همدې برخه بحث وکړو چي د کومو لاملونو له مخي د کوچنیانو په رنګ، قد او یا هم وزن کي تغیر راځي.

: کوچني ته د مور د شیدو ورکړه.
کوچنیانو ته باید تر شپږو میاشتو پوري یوازي او یوازي د مور شیدې ورکړل سي.
تر شپږو میاشتو وروسته باید کوچني ته تر دوو کلونو پوري د شیدو تر څنګ نور خوراکونه هم ورکړل سي.

: د مور د شیدو ګټي.
د شیدو په ورکړه سره د مور او کوچني تر منځ د میني اړیکه ډېره ټینګېږي.
که چېري یوه مور کوچني ته شیدې ورکوي د رواني ناروغیو څخه ژغورل کېږي.
دا ثابته سوې هغه کوچنیان چي مور خپلي شیدې “تی” ورکوي تر هغو نورو ډېره مینه ورسره کوي چي بهرنۍ شیدې ورکول کېږي.
د مور شیدې د کوچني پر ذهن زښت اغېز لري، هغه میندي چي اولادونو ته ئې پوره شیدې ورکړي وي ډېر ذهین دي.
د مور شیدې د کوچني په لويښت، چاغښت، لوړ قد او ښکلې څېره کي رغنده رول لري.
همدا راز د مور په شیدو کي ۵۰ سلنه اوسپنه سته او جذب ئې هم ۵۰ سلنه دی.

: کوچني ته د شیدو نه ورکړي زیانونه.
که چېري کوچني ته د مور شیدې ورنه کړل سي هغه به ډېر په ډول، ډول ناروغیو اخته کېږي.
د مور شیدې د کوچني معافیتي سیسټم ځواکمن کوي، خو که چېري شیدې ورنه کړل سي دا سیسټم به ډېر کمزوری وي.
د شیدو نه ورکړه د مور او کوچني تر منځ د میني کچه کموي او تر څنګ ئې مور په رواني ستونزو اخته کوي.
همدا راز که چېري مور کوچني ته شیدې “تی” ورنه کړي د تیو “سینې” سرطان ګواښ ورته زیات دی.
که چېري مور کوچني ته خپلي شیدې ورنه کړي د کوچني پر ذهن، قد او وزن باندي هم منفي اغېز لري.
نور بیا…