پاراخ (پژواک، ۲۰ سلواغه ۱۴۰۴): د پنجشېر ځایي چارواکي خبر ورکوي چې د دغه ولایت د عنابې ولسوالۍ په مربوطاتو کې په لومړي ځل د «ګرین ګارنېټ» قیمتي ډبرو کان تثبیت شوی دی.
ګرین ګارنېټ د ګارنېټ شین رنګې قیمتي ډبره ده چې تر ډېره په ګاڼو او نورو زینتي لوازمو کې کارېږي.
د پنجشېر د والي ویاند سیفالدین لټون پژواک ته وویل چې د ګرین ګارنېټ یاد کان د کانونو او پټرولیم وزارت د متخصصینو د ټیم له لوري، د پنجشېر د کانونو له ریاست سره په همغږۍ د عنابې ولسوالۍ په ابدره سیمه کې پېژندل شوی او تثبیت شوی دی.
هغه زیاته کړه چې د پنجشېر د کانونو ریاست د دغه کان د استخراج د پیل ډاډ ورکړی او د «سید رحیم» په نوم یوه کس ته یې د مسلکي استخراج جواز هم صادر کړی دی.
هغه زیاتوي چې د ګرین ګارنېټ قیمتي ډبرو کان په لومړي ځل د پنجشېر د قیمتي او نیمهقیمتي ډبرو کانونو په نوملړ کې شامل شو او تمه ده چې استخراج یې د دغه ولایت د کانونو په پراختیا او اقتصادي وده کې مهم رول ولوبوي.
د پنجشېر ولایت د رسنیو دفتر د روانې سلواغې میاشتې په اتمه اعلان کړی و چې په دغه ولایت کې تازه لس د یاقوت کانونه تثبیت شوي او همدارنګه د بیروج کان د استخراج چارې هم پیل شوې دي.
تېر کال هم په پنجشېر کې د یاقوتو یوه کان استخراج پیل شوی و او له څو کلونو راهیسې د زمردو کانونو پراخ استخراج روان دی.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.