د FTTH شبکو پلان جوړونه – د بریالیو پروژو د پلي کېدو کليدي ټکي
لیکوال: اریک دی پابلس
نېټه: ۱۳ جنوري ۲۰۲۱
#ژباړه:#نصيراحمدڅپاند
FTTH شبکه او اوږدمهاله عاید
د FTTH (فایبر تر کوره) شبکه داسې طرحه کېږي چې د شبکې مالک ته د لسیزو لپاره عاید تولید کړي. د دې اوږدمهاله لید له مخې کېدای شي داسې ښکاره شي چې د تطبیق لنډ پړاو د پانګې اچونې پر عاید او د ملکیت پر ټول لګښت اغېز نه لري. خو ډېری وخت پروژې د ټاکلي وخت سره سم پر مخ نه ځي، چې پایله یې د لګښتونو لوړوالی او د عاید تولید ځنډ دی. د دې ډول ستونزو لاملونه په ډېرو FTTH پروژو کې تکرارېږي. د دقیق پلان له لارې دا ستونزې له مخکې د مخنیوي وړ دي، څو شبکه پر وخت او په ټاکلې بودیجه بشپړه شي.
د ګټورې FTTH شبکې لپاره پلان جوړونه
د شبکې د مالک له نظره، د یوې غیر فعالې FTTH شبکې (PON) عادي عمر ۲۰–۲۵ کاله وي. په سوداګریز پلان کې تمه کېږي چې شبکه په همدې موده کې عاید تولید کړي او د ساتنې لګښتونه هم ولري. برسېره پر دې، د ټکنالوژۍ چټک بدلون د شبکې له پاره د انعطاف او پراختیا اړتیا زیاته کړې ده.
که پلان نیمګړی وي، کېدای شي سوداګریز پلان د شبکې له فعالېدو مخکې ناکام شي – یا هم ډېر ناوخته څرګند شي. نو د شبکې د اوږدمهاله ګټورتیا او دوام لپاره باید له پیل څخه هر څه په دقت ترسره شي.
څنګه د راتلونکي لپاره د فایبر شبکه خوندي کړو؟
کله چې د FTTH شبکې پلان کېږي، ډېری وخت ټوله توجه تخنیکي فعالیت ته وي. خو نور اړین ټکي هم شته چې د راتلونکي لپاره د شبکې د ټوله کیفیت تضمین کوي:
۱- فعالیت
شبکه باید د نن ورځې د معیارونو ترڅنګ د راتلونکي اړتیاوو لپاره هم طرحه شي، لکه د 5G لپاره د انتقال سرعت لوړوالی.
۲- پایداري او اعتبار
د شبکې بندېدل د مالک لپاره زیانمن دي. روغتیايي مرکزونه، امنیتي ادارې او حکومتي جوړښتونه دوامداره فعالیت ته اړتیا لري. د اعتبار خبره یوازې د تجهیزاتو پورې نه ده تړلې، بلکې د تطبیق کیفیت، د کارکوونکو مهارت او د ټولو اړوندو خواوو د همکارۍ پایله هم ده.
> “شبکې باید د ټولنې د حیاتي زیربناوو په توګه پایداره او معتبرې وي، ځکه چې په بحراني حالاتو کې یې اعتبار خورا مهم دی.”
۳- انعطاف
شبکه باید د عملیاتو، ساتنې او پراختیا لپاره د لګښت له اړخه اغېزمنه وي. د پلان د نشتون له امله راتلونکي بدلونونه ډېر ګران تمامېدای شي.
۴- امنیت او مقررات
پخوا فایبر شبکې پرته له امنیتي تدابیرو جوړېدې، چې کیفیت یې بېلابېل و. خو اوس د بدلونونو او نوو ګواښونو له امله شبکې د ټولنې د حیاتي زیربناوو برخه ګرځېدلې دي. د وخت په تېرېدو سره به امنیتي مقررات نور هم زیات شي.
۵- پایښت او چاپېریال
نن سبا د شبکې چاپېریالي اغېز هم مهم دی. هغه شبکه چې لږ ترمیم او ساتنې ته اړتیا ولري، لږ چاپېریالي اغېز لري. دا د شبکې د مالک لپاره د ټولنیزې او چاپېریالي پالیسۍ ملاتړ هم کوي.
۶- اوږد عمر
د شبکې د ۲۰–۲۵ کلونو عمر تضمین یوازې هغه وخت شونی دی چې وړې ستونزې له پامه ونه غورځول شي. د دقیق پلان په صورت کې کېدای شي شبکه تر تمې هم اوږده موده دوام وکړي.
د شبکې د تطبیق ننګونې
ولې کیفیت مهم دی؟
هره پروژه د مالي موخو، د شبکې د فعالیت اړتیاوو او د بازار د ونډې پر بنسټ پلان کېږي. د بازار ونډې ترلاسه کول د شبکې د پر وخت بشپړېدو پورې تړلي دي. د پروژې د بریا لپاره باید له پېرودلو څخه تر تطبیق او د شبکې د سپارلو پورې کیفیت تضمین شي.
“د تطبیق کیفیت د راتلونکي ګټورتیا لپاره بنسټیز شرط دی.”
د پوهې اړتیا
که د تطبیق پر مهال تېروتنې وشي، اغېزې یې لسیزې دوام کوي. ډېر وخت یوازې د جوړونې پړاو ته پاملرنه کېږي، او عمومي مدیریت او کیفیت له پامه غورځول کېږي.
“تجربه او پوهه د تېروتنو د مخنیوي کلیدي دي.”
د یوې پروژې ناکامي او پراخ اغېز
که یوه پروژه د کیفیت له کمښت ځنډېدلې وي، قراردادي د راتلونکو پروژو لپاره منابع له لاسه ورکوي، او د شبکې مالک د عاید په تولید کې ځنډ ویني. دا کار د “واورې غوندې اغېز” رامنځته کوي چې راتلونکې پروژې هم اغېزمنوي او بالاخره ټول کاروبار له خطر سره مخ کوي.
د ناکامۍ عام علتونه
د وخت له فشار او د ناسم ظرفیت له امله بې له پلان څخه کار پیلول.
یوازې لنډمهاله نظر لرل او د اوږدمهاله لګښتونو له پامه غورځول.
د اجرا کوونکو د مهارت او تجربې نه تاییدول.
“بې له سمه پلان څخه د پروژې پیلول یو ستر خطر دی.”
د ناکامۍ د مخنیوي لارې
د پروژې په لومړنیو پړاوونو کې باید د کار کولو لارې چارې جوړې شي. په دې وخت کې لږ لګښت کېږي او کم کسان ښکېل وي، خو اغېز یې ستر وي.
“پلان جوړونه د بریالۍ پروژې د تطبیق کلیدي ده.”
ښه تګلاره (Best practice):
1. د کیفیت تضمین لرونکې کړنلارې په لومړیو کې جوړې کړئ.
2. په کوچني کچه یې وازمویئ.
3. ډاډ ترلاسه کړئ چې ټول ګډونوال یې په سمه توګه عملي کوي.
4. د انحراف د مدیریت لپاره پلان ولرئ.
5. د ټولو کارکوونکو اسناد، مهارت او تجربه تایید کړئ.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
DNB Bank AC # 0530 2294668 :د دعوت بانکي پته
NO15 0530 2294 668: له ناروې بهر د نړیوالو تادیاتو حساب
Vipps: #557320 : د ویپس شمېره
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.