د ټکنالوجۍ له لارې زده کړه فرصت که ستونزه؟

په شلمه پېړۍ کې ټکنالوجۍ نړۍ بدله کړه، خو په یویشتمه پېړۍ کې دا بدلون تر ښوونې او زده کړو پورې هم پراخ شو. د “آنلاین زده کړو” مفهوم، چې پخوا یو تصور و، نن واقعیت ګرځېدلی. خو په افغانستان او ورته هېوادونو کې دا پوښتنه اوس هم مطرح ده:
ایا د ټکنالوجۍ له لارې زده کړه یو فرصت دی، که یوه ستونزه؟

آسانه لاس‌رسی:
آنلاین زده کړه له جغرافیې خلاصه ده. یو زده‌کوونکی کولی شي د کور له زاویې د نړۍ له تعلیمي بنسټونو ښوونکو او کورسونو څخه ګټه پورته کړي. دا یو انقلابي بدلون دی.

زده کړه د اړتیا له مخې:
ټکنالوجي زده‌کوونکو ته دا چانس ورکوي چې د خپل خوښې وخت او طریقه غوره کړي لګښت کې سپما:
انلاین کورسونه، اپلیکیشنونه، او خلاص تعلیمي سرچینې زده‌کوونکو ته ارزانه، بلکې ډېر کله وړیا زده کړه برابروي. دا د هغو خلکو لپاره لوی فرصت دی چې مالي سرچینې نه لري.

نوي مهارتونه او نړیوال بازار:
د ‌لیکنې، ګرافیک ډیزاین، ژباړې، بازارموندنې او نورو برخو زده کړه اوس یوازې د یو سمارټ‌فون یا کمپیوټر غوښتنه لري.
مهارتونه:
نه یوازې زده‌کوونکي، بلکې ښوونکي هم آنلاین تدریس ته روزل شوي د ټکنالوجۍ له لارې زده کړه، که څه هم یو ستر فرصت دی، خو په شرایطو پورې مشروط دی. هغه هېوادونه چې د بنسټیزو خدماتو له کمښت سره مخ دي، باید تر ټولو لومړی د انټرنټ، برېښنا، وسایلو، او ښوونکو روزنه یقیني کړي.

که دا خنډونه لیرې شي، نو دا زده کړه نه یوازې یو فرصت، بلکې د یو ملت د راتلونکي ضمانت هم ګرځېدلی شي. خو که بې‌پروایي وشي، نو له دې وسیلې به یوه ستونزه راولاړه شي، نه حل.
درنښت …. یارب 🤲🏻

Donate د دعوت رسنیز مرکز مرسته وکړئ