مرجان

عبدالعزیز نایبي

1,327

 سمندري ژوی ده چې زرګر ترې امېل او نورې ګاڼې جوړوي. مجازآ د اننګو سوروالی او ښایسته رُخسار، « اکه اکبر» د کابل ژوبڼ په زمري دا نوم ایښی وو«مرجان!»، هغه مهال چې د مرجان د خوړو درک نه وو معلوم او هیچا ری پرې نه واهه، «اکه اکبر» د ښار په قصابېو ګرځېده او هغه ته ېې په خواست خواړه برابرول. اوس دوی دواړه له نړۍ کوچېدلي، خو وېرجنې کیسې ېې لا ژوندۍ دي.

د جهادي تنظیمونو د خپلمنځېو جګړو پرمهال، کابل ژوبڼ د جګړې لومړۍ کرښه وه. روایات دي چې ښکېلو لورو به خپل اسیران په مرجان داړل. یوه ورځ کوم ټوپکمار په باټو راغلی، د زړه ورتوب پیښې ېې کړي او ملګرو سره ېې شرط تړلی چې د مرجان د قفس انګړ ته به ننوځي او پر هغه به لاس راکاږي. همدا چې یاد کس انګړ ته ننوځي او د مرجان د جوړې «جوجه» پر سر لاس ږدي، ناڅاپه مرجان په غړمبېدو شي او د سترګو رپ کې سړی له دنُیا تېر کړي. د پېښې په سبا د داړل شوي ټوپکوال ورور د غچ اخیستلو په نیت ژوبڼ ته ورځي او مرجان باندې د لاسي بمونو برید کوي. مرجان له برید ژوندی راوځي خو یوه سترګه ېې ړنده، غوږونه ېې کاڼه او غاښونه ېې ماتیږي. د بم یوه چره ېې هم کوپړۍ کې بنده، پښه ېې عیبي او پر لار تګ ېې ستونزمن شي.

Related Posts
1 of 61,996

کله چې کابل طالبانو ونیوه، مرجان لا هم له کړاوه ‌‌‌‌‌‌ډک ژوند درلود، په کاڼو ویشتل کېده او د مرجان د وژلو نیت وو، خو وېل کیږي چې د ژوبڼ کوم ساتونکي د طالبانو مسوول مشر ته وېلې وو چې هغه دې نه وژني، ځکه پیغمبر (ص) هم په ترحُم ټینګار کړی او د ژویو ساتلو سره ېې علاقه درلوده. په دې ډول مرجان ژوندی پاتې کیږي. همدا چې له کابله د طالبانو د واک ټغر ټول شو، مرجان ته د نړیوالو رسنېو پام شو او د هغه له حاله ېې دُنیا خبره کړه. د نړۍ له ګوټ ګوټ څخه د مرجان د درملنې او کابل ژوبڼ د بیا رغونې له پاره بسپنه ټوله شوه. د ژویو د ساتنې نړیوالې ټولنې او بې پولې ډاکترانو د مرجان درملنې ته مټې ونغاړلې.

که څه هم مرجان د کابل له بدو ورځو خپله برخه اخیستې وه، خو له مرګ وړاندې څو اونۍ ېې ښايي د عشرت تر ټولو ښه موده وه. مرجان ته له ځنډ پرته خواړه رسېدل، د هغه ساتونکو هم کلونه وروسته معاشونه واخېستل. خو مرجان نور بوډا او ستومانه وو، د بډوډو او ځیګر ناروغۍ هغه د مځکې کړ. څو پرلپسې ورځې ېې خوراک څښاک پرېښود، ترهغو چې د ۲۰۰۲ میلادي کال د جنوري په ۲۵ نیټه مړ او د ژوبڼ په انګړ کې خښ شو. د برونزو څلورسوه پونډه (۱۸۱- کیلوګرام) وزمینه مجسمه ېې جوړه او د ژوبڼ لوېې دروازې مخې ته نصب شوه، څو د کابل د خونړیو او ویرجنو کلونو یوه نښه پاتې شي. هغه دوه کلنۍ کې د آلمان د «کولن» ژوبڼ لخوا، کابل ژوبڼ ته (۱۹۷۸.م) کال کې ډالۍ شوی وو.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.