په افغانستان کې واک ته د طالبانو تر رسېدو وروسته په زرونو انسانان ځان په خطر کې احساسوي. اروپايي ټولنه په پام کې لري چې ۴۰ زرو هغو افغانانو ته چې محافظت ته اړتيا لري، ځای ورکړي. له دې کسانو تر نيمايي ډېر یې آلمان مني.
د اروپايي ټولنې د کورنيو چارو کميسارې ايلوه جانسن د پنجشنبې په ورځ (د ۲۰۲۱ کال د دسمبر ۹نېټه) په بروکسل کې د اروپايي تولنې د کورنيو چارو د وزيرانو تر يوې غونډې وروسته دا څرګندونې وکړې.
د جانسن له خوا د اروپايي ټولنې د هغو هېوادونو د کورنيو چارو وزيرانو ته په يوه ليک کې چې د افغانانو منلولو ته یې چمتووالی ښوولی، ويلي چې يوازې آلمان چمتو دی چې له افغانستان څخه ۲۵ زره کسان ومني.
د نوموړې کميسارې په حواله په تېرو څو مياشتو کې د اروپايي ټولنې هېوادونو کابو ۲۸ زره انسانان له افغانستان ته را ایستلي دي او دا تازه ذکر شوي ۴۰ زره به پر دغو کسانو اضافه وي. د جانسن د ليک په حواله په دقيق ډول ۳۸ زرو او ۱۴۶ کسانو ته د منل کېدو وړانديزونه سوي دي.
د اروپايي ټولنې له خوا په دې ليک کې چې د آلمان خبري آژانس ته رسېدلې دی، راغلي چې د ۲۰۲۱ او د ۲۰۲۲ م کال له پاره په ټولیزه توګه هغو ۶۰ زرو کسانو چې د منلو کيدو ژمنه ورسره شوې ده، په اروپايي ټولنه کې د هغوی د ځای پر ځای کولو په اړه هم خبرې کیږي. جانسن زياته کړې چې دوی ډول نه بلکې دوه په درېمه برخه یې افغانان دي او د دې انسانانو د ځای پر ځای کولو له پاره به اروپايي ټولنه هم مالي مرسته وکړي.
اروپايي ټولنې واک ته د طالبانو تر رسيدو وروسته پريکړه وکړه چې په لومړي سر کې له افغانستان څخه د خلکو د منلو له پاره به کومه څرګنده ژمنه ونه کړي څو غير قانوني کډوالۍ ته د تشويق مخه ونيوله شي.
هغه وخت زياته شوې وه چې په دې ترتيب به اړ کسان د افغانستان په ګاونډيو هېوادونو کې مناسب محافظت ترلاسه کړي.
خو واک ته د طالبانو تر رسيدو وروسته د هېواد وضعيت په دراماتيکه توګه خراب شوی دی. دغه هېواد له سختې وچکالۍ سره لاس او ګريوان دی. پر دې سربیره لا دمخه بدحاله اقتصاد پر مخ ځوړ روان دی. د ملګرو ملتونو په حواله تر نيمايي دېر نفوس په کافي اندازه خواړه نه لري.
د بخښنې د نړيوال سازمان په حواله د زور زیاتي ښځينه قربانيانې هيڅ مرسته نه ترلاسه کوي او يو شمير کسان د طالبانو له خوا د غچ اخیستنې ویره لري او هڅه کوي له هېواده وتښتي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.