د سپتامبر یولسمه: ولې بن لادن د پاکستاني پوځ په پټنځای کي وموندل شو؟

د سپتامبر یولسمه

ولې بن لادن د پاکستاني پوځ په پټنځای کي وموندل شو؟

بن لادن د امریکا د ستراتژیکو موخو تولید :
د سپتمبر د یوولسمې نیټې د ترهګریزو بریدونو څخه څو ساعته وروسته، د بوش ادارې پرته له شواهدو، دا پایله ترلاسه کړه چې اسامه بن لادن او د هغه سازمان، القاعده، تر ټولو احتمالي شکمن کسان وو. د سي آی اې ( د امریکا استخبارات ) مشر « جورج ټینټ » وویل چې « بن لادن دا وړتیا لري چې پرته له خبرتیا څخه څو بریدونه پلان کړي ». د بهرنیو چارو وزیر کولین پاول په واشنګټن او نیویارک کې بریدونه د امریکا په وړاندي د « د جګړې اعلان» وبلل.

جورج بوش په خپله وینا کې اعلان وکړ چې هغه به « د هغو ترهګرو او ملاتړ یې ترمنځ توپیر ونه کړي چې دا عملونه یې کړي ». دلته افغانستان ته اشاره شوي و.

د نیویارک او واشنګټن په بریدونو کې اصلي شکمن، د سعودي عربستان تبعه اسامه بن لادن و. نوموړي د اف، بی، آی له خوأ په افریقا کې د امریکا په سفارتونو کې د بمي چاودنو په تور د « نړیوال ترهګر » په توګه نومول شوی و.

بن لادن په پیل کي د سی، آی، ای ستراتژیک مخلوق و او د امریکا له خوا د شوروي-افغان جګړې پرمهال د شورويانو سره د جګړې لپاره ګمارل شوی و.

مجاهدین د امریکا د مقصدونو څخه بي خبره ساتل شوي و :

د سي، آی، اې او آی اس، آی ( د پاکستاني استخبارات ) ادارو د قوي هڅونې لاندې، چې غوښتل یې افغان جهاد د شوروي اتحاد پر وړاندې د ټولو مسلمانو هېوادونو لخوا په یوه لویه جګړه بدل کړي، د ۱۹۸۲ او ۱۹۹۲ کلونو ترمنځ د ۴۰ اسلامي هېوادونو شاوخوا ۳۵۰۰۰ جهادیست په افغانستان کې په جګړه کې شامل شول. لسګونه زره نور پاکستاني مدرسو ته د زده کړې لپاره راغلل. د وخت په تیریدو سره، له ۱۰۰۰۰۰ څخه ډیر مسلمان بنسټپال په مستقیم ډول د افغان جهاد څخه اغیزمن شول.

د مارچ میاشتي ۱۹۸۵ م کال کې، ولسمشر ریګن د ملي امنیت لارښود لاسلیک کړ، چې مجاهدینو ته یې پټه پوځي مرستې ته اجازه ورکړه. دا اقدام وښودله چې په افغانستان کې روانه پټه جګړه په افغانستان کې د شوروي سرتیرو سره د مبارزې لپاره وه.

د امریکا استخبارات د جهاد په مقصد د پاکستان د استخباراتو له چینل څخه مجاهدینو ته مرستي رسول. د دې پټو عملیاتو د بریالیتوب ډاډ ترلاسه کولو لپاره، واشنګټن محتاط و چې د جهاد وروستۍ موخه، چې د شوروي اتحاد ویجاړول وو، افشا نه کړي. د سي آی اې منسوب کس « ملټن بیرډمن » په وینا اسلامي جنګیالي په لویه کچه له دې خبر نه وو چې دوی د “کاکا سام” په استازیتوب د شوروي اتحاد په وړاندې جنګیږي.

آی ایس آی شاوخوا ۱۵۰۰۰۰ پرسونل درلودل، چې پکې نظامي کارمندان، استخباراتي افسران، بیوروکراټان، دوه ګوني اجنټان او مخبران شامل وو. د هغوی څخه په چټکۍ سره د امریکا استخباراتو یو « موازي جوړښت » رامنځته شو چي د جنرال ضیاء الحق په مشرۍ د پاکستان د پوځي رژیم په پیاوړتیا کې هم مرسته وکړه.

 د سړې جګړې وروسته د پاکستان د استخباراتي ادارو پراخه پوځي شبکه پاتي شوه چي په افغانستان او هندوستان کی په ترورستی عملیاتو بوخت شو. سربېره پردې سي، آی، اې د پاکستان له لارې اسلامي جهاد ملاتړ ته دوام ورکړ: په مرکزي آسیا، قفقاز او بالکان کې نوي پټي هلي ځلي پیل شول. د پاکستان پوځي وسایل او استخباراتي ادارې په اصل کې د شوروي اتحاد د تجزیې او په مرکزي آسیا کې د شپږو مسلمانو جمهوریتونو د راڅرګندېدو لپاره د کتلست په توګه وکارول شو.

د سي آی اې د پټو عملیاتو سره په موازي ډول، د سعودي عربستان د وهابي فرقې اسلامي مبلغینو د مرکزی آسیا په جمهوریتونو کې او همدارنګه د روسیې فدراسیون دننه ځانونه ته د ترهګرې عملیاتو مرکزونه جوړ کړل. یعني جهادیستان سره له دې چې د « امریکا ضد » ایډیالوژي درلود، بیا هم په پخواني شوروي اتحاد کې د واشنګټن ستراتیژیکو ګټو ته خدمت وکړ.

د سپتامبر په پیښه کي د پاکستانې پوځ احتمالې ښکیلتیا :

د سپتامبر ۱۱ ترورستي پیښي په اره ګنشمیر پوښتني لاځواب پاته شوي. د هغه جملي د « سي بي ایس » راپورله مخي بن لادن د۲۰۰۱ کال د سپتامبر په لسمه یعني د سپتمبر د یوولسمې له بریدونو یوه ورځ مخکې د راولپنډۍ په روغتون کې بستر و. دا احتمال شته چې هغه د راولپنډۍ د پاکستاني پوځي روغتون څخه بریدونه همغږي کړي وی. دلته راپور په پیښه کي د پاکستان پوځ او استخبارات هغه دلي مسئولیت په ګوته کوي چي د کلونو مخکی له ترهګري دلو تپلو سره اړیکي لرل او هغوي په سیمه کي د خپل ستراتژیکو موخو د پاره کارول.

دغه واقعیت چي بن لادن د ترهګري عملیاتو څخه وروسته په ایبت آباد کي پُت شو، د نویارک په پیښه کي د پاکستان پوځ مسئولیت په ګوته کوې.

ایبت آباد د پاکستان له پلازمېنې اسلام اباد سره نژدې په څنډو کې د پاکستان د پوځ يوې اکاډمۍ سره څېرمه ۲ سوه او ځينې راپورنو له مخې ۸ سوه متره نژدې دی. دغه ځای د پاکستان پوځ يو مهم مرکز بلل کېږي.

خو د بن لادن پټنځای د ايبټ اباد د پوځي سيمې دننه بلل کېږي، او په دغه سيمه کې پرله پسې پوځي شته والی او هم د پلټنې پوستې وې. « پاي »

۱۲/۰۹/۲۰۲۶

زموږ انګلیسي ویبپاڼه: