کابل (پژواک، ۱۵ سلواغه ۱۴۰۴): له پېښو سره د مبارزې چمتوالي ملي اداره وایي، په تیر یوه کال کې د هېواد په کچه د ناچاودو توکو د چاودنې ۱۹۳ پېښې ثبت شوي چې له امله یې ۸۷ کسانو ژوند له لاسه ورکړی او ۳۳۳ نور ټپیان شوي دي.
له پېښو سره د مبارزې چمتوالي ملي ادارې د اطلاعاتو او نشراتو رئیس، حافظ محمد یوسف حماد په یوه پیغام کې ویلي د دغې ادارې د ماین پاکۍ د انسجام ریاست د ماین پاکۍ له موسسو سره په همغږۍ په تېر یوه کال کې په هېواد کې «۵۸کیلومتره سیمه» د ناچاوده توکو له خطر څخه پاکه کړې او ۲۴۷۲۰ ماینونه یې کشف او خنثی کړي دي.
هغه وایي چې په تېر یوه کال کې په هېواد کې ۱۹۳ د ناچاودو توکو د چاودنې پېښې ثبت شوي، چې له امله یې ۸۷ کسانو ژوند له لاسه ورکړی او ۳۳۳ نور ټپیان شوي دي.
د ده په خبره، د یادو پېښو ډیره مرګ ژوبله (۶۷.۵ سلنه) ماشومانو ته اوښتې ده.
د هغه په وینا، دا مهال په هېواد کې د ماین پاکۍ ۱۵۵ ټیمونه فعالیت لري او تېرکال یې په دې اړه دوه میلیونه او ۱۲۶ زره کسانو ته عامه پوهای ورکړی دی.
د ده د معلوماتو له مخې، اوس هم د هېواد په کچه «شاوخوا ۱۰۶ زره کیلومتره سیمې» پر ناچاودو توکو ککړې دي.
دا په داسې حال کې ده چې تېره ورځ په افغانستان کې د ملګرو ملتونو د مرستندوی پلاوي دفتر (یوناما) ویلي و، افغانستان د ناچاودو توکو چاودنو کې د ډېرې مرګژوبلې لرلو له اړخه د نړۍ درېیم هېواد بلل کېږي او لا هم په دغه هېواد کې له تېرو جګړو پاتې ناچاوده توکي او مهمات له خلکو قرباني اخلي.
زموږ انګلیسي ویبپاڼه:
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.