کابل (پژواک، ۲۰ مرغومی ۱۴۰۴): د ایران په بېلابېلو ښارونو کې تاوتریخجن اعتراضات څوارلسمې ورځې ته غځېږي؛ هممهاله د مرګژوبلې راپورونه، د تهران او واشنګټن متقابل غبرګونونه او د بهرنیو عواملو د رول په اړه د ایراني چارواکو څرګندونو وضعیت لا ترینګلی کړی دی.
د ایران په بېلابېلو ښارونو کې له تاوتریخوالي ډک اعتراضات چې د اقتصادي ستونزو او د ایراني تومان د ارزښت کمېدو له امله پیل شوي، څوارلسمې ورځې ته وغځېدل.
ټایمز مجلې په تهران کې د یوه ډاکټر له قوله ادعا کړې چې د ایران د پلازمېنې په شپږو روغتونونو کې د لږ تر لږه ۲۱۷ معترضینو مړینه ثبت شوې چې «ډېری یې په مرمیو» وژل شوي دي.
د ایران حکومت تر اوسه د وژل شوو دغه شمېر نه دی تایید کړی، خو د امنیتي ځواکونو په ګډون د یو شمېر کسانو وژل کېدل یې تایید کړي او لیکلي یې دي، له هغه وروسته چې په ښارونو او بېلابېلو سیمو کې ګډوډي رامنځته شوه، تهران هم د «وسلهوالې وحشیانه ترهګرۍ» له بریدونو اغېزمن شوی دی.
دا په داسې حال کې ده چې له دې مخکې د امریکا ولسمشر ډونالد ټرمپ ایراني چارواکو ته خبرداری ورکړی و، که چېرې معترضان وځپل شي، امریکا به د هغوی د ملاتړ لپاره مداخله وکړي.
د افغانستان د سولې لپاره د امریکا پخواني ځانګړي استازي زلمي خلیلزاد پر خپله اېکسپاڼه لیکلي چې ایراني چارواکي باید د ټرمپ خبرداري جدي ونیسي.
هغه لیکلي چې د عراق رهبري هم باید ایران ته د ملېشو له لېږلو مخکې غور وکړي.
د ایران رهبر علي خامنهيي د ډونالد ټرمپ څرګندونو ته په غبرګون کې ویلي: «ټرمپ به هم د نړۍ د نورو مستکبرانو په څېر راوپرځي.» خامنهيي ویلي چې ټرمپ باید د ایران په چارو کې د لاسوهنې پر ځای، د خپل هېواد پر کورنیو ستونزو تمرکز وکړي.
د تسنیم خبري اژانس د راپور له مخې، د ایران د بهرنیو چارو وزیر سیدعباس عراقچي په لبنان کې ویلي: «د ایران د روانو ګډوډیو تر شا امریکا او اسرائیل لاس لري.»
تسنیم د ایران اوسني وضعیت ته په اشاره د سپاه پاسداران له قوله لیکلي: «د دغه وضعیت دوام د منلو وړ نه دی او د وروستیو ترهګریزو پېښو د قربانیانو وینه د هغوی د طرحهکوونکو پر غاړه ده.»
سپاه پاسداران د جبران حق د ځان لپاره مشروع بللی دی.
زموږ انګلیسي ویبپاڼه:
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.