څلور کاله چوپتیا – د افغان نجونو د تعلیم فاجعه او د انسانیت غلی جنایت

لیکواله: حلیمه نورزي

By Sheba Gaheez On Aug 21, 2025

څلور کاله کېږي چې د افغانو نجونو پر زده‌کړو بندیز لګېدلی، او دا بندیز نه یوازې د تعلیم، بلکې د بشري کرامت، اسلامي ارزښتونو، او د ملت پر راتلونکي برید دی. دا بندیز یوازې یو سیاسي اقدام نه، بلکې یو ټولنیز او انساني ناورین دی.

اسلام او تعلیم:

قرآن کریم او د رسول الله صلی الله علیه وسلم احادیث، تعلیم د هر مسلمان لپاره فرض ګڼي، پرته له دې چې نارینه وي یا ښځه.

الله تعالی فرمایي:

*”قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ؟”*

(الزمر: 9)

*ژباړه:* ووایه! ایا هغه کسان چې پوهه لري او هغه چې نه لري، برابر دي؟

همداراز، رسول الله صلی الله علیه وسلم فرمایي:

*”طَلَبُ الْعِلْمِ فَرِيضَةٌ عَلَى كُلِّ مُسْلِمٍ.”*

(ابن ماجه)

*ژباړه:* د علم حاصلول پر هر مسلمان (نارینه او ښځه) فرض دي.

څلور کاله ظلم:

په تېرو څلورو کلونو کې، میلیونونه افغان نجونې د خپل دیني، انساني او اساسي حق – تعلیم – څخه بې‌برخې شوې. دا نه یوازې د هغوی فردي ژوند له ستونزو سره مخ کړی، بلکې د ټول ملت فکري او اقتصادي بنسټونه یې کمزوري کړي دي.

زده‌کړې بندیز، د ماشومو ذهنونو بندیز دی. دا بندیز، د یو ټول ملت پر فکري راتلونکي سیوری اچولی دی.

د نړۍ چوپتیا او د افغانو لوڼو فریاد:

نړیوالې ټولنې تر ډېره چوپ پاتې دي. د ملګرو ملتونو، اسلامي همکاریو سازمان، او بشري حقونو مدافع بنسټونه باید دا فریاد واوري:

تعلیم زموږ حق دی، نه جواز!”

زموږ غوښتنې:

د نجونو پر زده‌کړو بندیز باید بې‌درنګه او پرته له قید او شرطه ختم شي.

دیني علما، مدني ټولنې، سیاسي مشران او نړیوال بنسټونه دې دا غږ پورته کړي.

. د اسلامي شریعت پر اساس، تعلیم د ښځې حق دی – دا باید د دین تر نامه لاندې محروم نه شي.

راځئ چې د اسلام له رڼا، د عدالت له روح، او د انساني کرامت له درک سره دا ناعادلانه وضعیت بدل کړو. افغان نجونې د کتاب، قلم او ښوونځي مستحقې دي. دا یوازې د دوی حق نه دی، دا زموږ د ټول ملت د ژوندي پاتې کېدو ضمانت دی.

د_نجونو_تعلیم_حق_دی

تعلیم_دیني_فریضه_ده

حلیمه نورزي – سیاسي او ټولنیزه فعاله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

حلیمه نورزي