آزادي څۀ ده!!؟

آزادي څۀ ده!!؟
ازادي د‌روح غذا ده
آزادي د ژوند بقا ده
آزادي پۀ لويه لار کې
د نجلۍ پر لاس کتاب دی
آزادي د مکتب زنګ دی
آزادي يوازې نوم نۀ
لۀ زره راپورته شوی غږ‌ دی
نۀ شعار دی او نه خيال دی
آزادي د ژوندون لويه سرمايه ده
آزادي د ماشومو سترګو خوب دی
آزادي هغه ساه ده چې بنده نۀ شي.
هغه غږ ده چې چوپ نه شي
آزادي د ښوونځي اوله ورځ ده
آزادي لومړنی معاش ده
آزادي پخپله خوښه ناويتوب ده
آزادي د لومړي ماشوم ژړا ده
آزادي د سترګو دید ده

آزادي د فکر پر وزرو الوتنه ده
آزادي لکه يو خوب ده
آزادۍ د يوې نجلۍ د‌بنګړو شرنګ‌دي
د ظلم پر وړاندې د حق فریادونه ده
آزادي د تورتم پر ضد رڼا ده
د ویرې پر ضد امید، باور، دعا ده
آزادي هغه قلم دی چې ویره نه لري
هغه تندی چې ټیټېدنه نه مني
آزادي د وینا حق دی
آزادي د ژوند مانا ده
او بې آزاده ژوند
یواځې ساه اخیستل دي
غلام انسان لکه بې روحه جسم ده
نووو
زۀ یوه چیغه یم
د بند دروازې شاته
د هیلې او درد،
د نۀ ویلو چیغه
زما شونډې ګنډل شوې دي
خو ذهن مې لا هم غږ کوي
هره تمه مې
د ستوري په څېر
د تیارو پر څادر ځلېږي
زۀ، یوه نجلۍ یم
په زړۀ کې دروند آسمان لرم
او د خوبونو سپین کالي مې
د ژوند د دوړو لاندې نه دي ورک
زه نۀ ماتېږم
زه نۀ غلی کېږم
زه نۀ ورکېږم
زۀ ژوند یم، هيله یم، دنيا يم
زۀ آزادي يم او
زۀ د‌مکتب زنګ يم!!!