د مثبتې روزنې اصول

د مثبتې روزنې اصول
د ماشوم د سالمې روزنې، ښو اړیکو او خوشاله ژوند بنسټ جوړوي. دا اصول د مینې، درناوي، همدردۍ او ښوونیزو کړنلارو پر بنسټ ولاړ دي. دلته د مثبتې روزنې څو مهم اصول درته وړاندې کوم:

مینه او اړیکه
ماشوم ته بې‌قیده بې شرطه مینه ورکړئ.
د هغه احساسات درک کړئ ویې منئ او ورته وخت ورکړئ.
د باور فضا رامنځته کړئ.

احترام او درناوی
ماشوم ته د انسان په توګه درناوی وکړئ، نه یوازې د ماشوم په توګه.
د ماشوم نظر واورئ او د هغه خبرې جدي وګڼئ.
سپکاوی، تحقیر او توهین مه کوئ.

ثابت اصول او حدودوټاکئ.
ښکاره اصول او حدود وټاکئ.
اصول باید د ماشوم د عمر او شرایطو مطابق وي.
له تاوتریخوالي پرته نظم راولئ.

مثبت مثال
ماشومان د کورنۍ د مشرانو عملونو ته پام کوي، نه یوازې خبرو ته.
که غواړئ ماشوم صادق، مهربان او مسؤلیت‌پذیر وي، نو همدغه ځانګړنې په خپل ځان کې راولئ. تاسو د ماشومانو هندارې یاست.

عاطفي اړبکه
د ماشوم احساسات درک کړئ او ورته نوم ورکړئ (لکه: ته غمجن ښکارې یا ته نن ډیر خوشاله ښکارې).
له ماشوم سره عاطفي اړیکې جوړې کړئ.

ښه اورېدونکی اوسئ
د ماشوم خبرې په پوره پاملرنه واورئ.
د ماشوم نظرونو ته ارزښت ورکړئ.

تشویق او ملاتړ
د ماشوم هڅې وستایئ، نه یوازې پایله یې
کوچني پرمختګونه هم ولمانځئ.
له مقایسې ډډه وکړئ.

تعلیم ورکوونکی انضباط
د قهر پر ځای، ماشوم ته دا وښایاست چې ولې یو کار سم هیا ناسمه پایله لري.
له ماشوم سره د ستونزې د حل لارې پیدا کړئ.
قهر او جدیت باید روزنیز هدف ولري، نه د غصې تخلیه.