وايي “۹۰سلنه ټولنه مو د خره ماغزه لري”/ کمالپوري

دا د یوه ملګري د هرپوسټ او هرې تبصرې ۹۰ سلنه همدا “۹۰سلنه ټولنه مو د خره ماغزه لري” برخه جوړوي او فکر کوم له ټولنې سم خبر نه دی او یا له دې ټولنې بې ځاره دی خو په هر صورت، دا فسبوک دی د بیان ازادي ده د هرچا حق دی، موږ دا صلاحیت نه لرو چې دا حق یې سلب کړو، د زړه د بړاس د سپکېدو همدا ځای دی چې هغه هم همدا ټولنیزې شبکې دي چې درونه یې ورسپکېږي.
د ټولنې امنیتي وضعیت:
زه کله هم سیاسي پوسټ نه کوم او ټولنه هم ښه راته معلومه ده او ښه یې درک کولای شم چې څومره اړمنه ده او هره ورځ څومره ستونزې زغمي، سهار له کوره په وتلو له شاه څو ځلي ایت الکرسي درپسې کوف کېږي چې رب دې ژوندی راولي، تر بېګا موږ یوه داسې کورنۍ تر شاه پریښی چې هغه په رواني لحاظ ۹۰ سلنه ناسالم وي څو ماښام موږ په دروازه کې وګوري.
اقتصادي اړخ یې
ټولنه مو له لوږې سره مخ ده، بې کاري زیاته شوې په خصوصي او دولتي دواړو ادارو کې هغه کانې روانې دي څو یو څه در جوړ کړي او له دندې دې بې برخې کړي، په رواني لحاظ د امنیتي ستونزو تر څنګ د اولاد د ګېډې غم هم درسره شته او لګیا دي خلک د اولاد په ګېډه دې پښې درږدي، نو ورورکه دلته بیا هغه خلک زیات بادارانو ته ډېر مخکې وي چې غوړه مالي (چاپلوسي) یې زده وي مجبوره دي، رب دې د ګېډې غم نه درښيي.
خپله غوړه مالي یا چاپلوسي په څو کټه ګوریو ده چې لومړې هغه یې په اوس وخت کې هېڅ په درد نه خوري، (۱- برس پاک ۲- زیر بغلي- پاس پاس- ګریس وهنه او په دا وروستي وخت کې مې د چاپلوسۍ دا درجه هم ولیده چې باید خپل بادار تر پیغمبرۍ درجې ورسوې) دا اوصاف به خپلوئ بیا به دې د اولاد ګیډه کې یو څه وي.
د پوهې معیارونه که دوکتورا- لیسانس هم یې په دې هېواد کې به د یوه شتمن زیړ- شنه او څرګني رنګونو سره ځغلې، ځکه هغه چې څه درته فرمايي په هماغه به روان یې دوی سره د تورو او سپینو دلیل ویل بې معنی ځکه دي چې هغه ته وختي شیدې تورې معرفي شوي که تا سل دوکتوراوې هم کړي وي. بس د هغې شېدې تورې دي او دا به ورسره ضرور منې. نو ایا مجبورا نه یو؟؟؟؟؟؟؟؟؟
د پردې تر شا ښه هوښیار یو د رب په هغه لوړ حضور لوړه کوم چې ښه هوښیار یو، خو د ګېډې د دوزخ لپاره مو دا هرڅه زغملي، نه مو د خره ما غزه دي او نه د کوم بل ځناور.
اوس که ژوند عادي ګرځوئ او ښار ته وځي چې ګنې په کراچۍ به پیاز کچالو وپلورم، خو خپله د کابل ښاروال هرپوسټ چې ګورئ همدا به یې سیاه کړي چې (شهر از دست فروشان- کراچیوانا پاک سازي کردېم) دا د کابل فروشګاه یې هم سپین میدان درګرځولې، یوازې تو کړې نصوار په کې ښکاري او بس، د روزي ګټلو دا لاره چاره دې هم ودرېده، مجبوره یې زیر بغلي او یا پاس پاس ته لاس کړې او ځان خوندي کړي.
بس به وي ورک یې کړه. 
هغه رب مو دې دا حال بدل کړي چې دا نړۍ یې پیدا کړې.
کمالپوري.