لنډۍ، د ثبتولو ستونزه ۳۷۱مه برخه

آصف بهاند

By admin Last updated Apr 11, 2026

د لنډیو اصلي منابع خلک دي

۳۳مه‌برخه

لنډۍ، د ثبتولو ستونزه

۳۷۱مه برخه

«د لنډیو اصلي منابع خلک دي» په ۳۲مه برخه کې د «سروکۍ یا نیمه‌کۍ» په باب معلومات وړاندې شول؛ اوس به د گڼو بېلگو په وړاندې کولو سره وگورو چې «سروکۍ ــ نیمه‌کۍ» او لنډۍ څنگه یو د بل متمم دي.

ما ښایسته ډېر وخت د هغو سندرغاړو د ویدیو کلیپونو په لیدلو تېر کړ چې هغوی لنډۍ د «سروکۍ یا نیمه‌کۍ» په مل‌تیا سره خپلو مخاطبینو او مینه‌والو ته وړاندې کړې دي. دلته که له یوې خوا زما موخه د نویو لنډیو خوندي کول و، له بلې خوا مې دا مقصد هم و چې گڼ‌شمېر «سروکۍ یا نیمه‌کۍ» هم دلته راخوندي کړم.

د دې خبرې یادول اړین گڼم چې «سروکي یا نیمکۍ» چې څه ډول ما د سندرغاړو له خولې اورېدلې دي، په هماغې بڼې مې ثبت کړي دي، کېدای شي هغوی یې بندونه وړاندې وروسته ویلي وي او یا یې بدلون په کې راوستی وي.

زما د کار سیستم داسې دی چې له هغو ویدیو کلیپونو څخه چې ما دا «سروکۍ ــ نیمه‌کۍ» او لنډۍ راه خودي کړې دي، د استناد له‌پاره مې د ټولو ویدیوکلیپونو لینکونه هم دلته ایښي دي. دا لاندې یې څو بېلگې دي:

داسې یو «سروکی» مې هم واورېده، چې ما ته بیخي نوی و. په ویدیو کې همدا یو سروکی و لنډۍ یې نه وې وراچولې او ما اړینه وگڼله چې همدا یو سروکی هم راخوندي کړم:

۱:

واورې اوچتې شوې له غَرهَ

اوس راشه مسافره

چې سیل له لاړشو

دا یې لینک دی:

https://www.facebook.com/reel/1595072568193783

۲:

دا هم یوبل داسې سروکی چې په یوه ویدیو کې یوازې سروکی زمزمه شوی دی، خو مخکې له دې چې لنډۍ ورواچول شي، ویدیو خلاصېـږي. څنگه چې دا سروکی بیخي ما ته نوی دی، ځکه مې دلته راخوندي کړ:

د مازدیگر سیوري تازه شول پر یو غاړه

لیونۍ بیا گودر ته لاړه

په ویدیو کې یو تن په مزه سروکی زمزمه کوي او څو تنه نور یې په کورس یا ډله‌ایزه بڼه پسې تکراروي. ویدیو پنځه‌لس‌ثانیې ده او دا لاندې یې لینک دی:

https://www.facebook.com/reel/2351114525331065

۳:

کمیس مې زوړ دی، نور پرې نه‌خیژي گلونه

ماله بل وکه،

یا راله بخمل وکه جانانه

پټ به په زړه غمونه تېرکړم

ماله بل وکه،

یا راله بخمل وکه جانانه، بیا راله بخمل وکه جانانه

بې‌درده‌یار ته به ونه‌وایم حالونه

ماله بل وکه،

یا راله بخمل وکه جانانه،

کمیس مې زوړ دی، نور پرې نه‌خیژي گلونه

ماله بل وکه،

یا راله بخمل وکه جانانه

چې عمرډېرشي، صبرډېر‌شي

ماله بل وکه،

یا راله بخمل وکه جانانه، بیا راله بخمل وکه جانانه

په جدایۍ کې یې زه لابې‌صبره شومه

ماله بل وکه،

یا راله بخمل وکه جانانه،

کمیس مې زوړ دی، نور پرې نه‌خیژي گلونه

ماله بل وکه،

یا راله بخمل وکه جانانه

څه لیونۍ‌مینه دې راکړه

ماله بل وکه،

یا راله بخمل وکه جانانه، بیا راله بخمل وکه جانانه،

څه لیونی دې په‌کوڅو کې پرېښودمه

ماله بل وکه،

یا راله بخمل وکه جانانه،

کمیس مې زوړ دی، نور پرې نه کېږي ډولونه

ماله بل وکه،

یا راله بخمل وکه جانانه

زما د سترگو نظر نه‌شته

ماله بل وکه،

یا راله بخمل وکه جانانه، بیا راله بخمل وکه جانانه،

امسا په لاس به د جانان دیدن ته ځمه

ماله بل وکه،

یا راله بخمل وکه جانانه، بیا راله بخمل وکه جانانه،

کمیس مې زوړ دی، نور پرې نه کېږي ډولونه

ماله بل وکه،

بیا راله بخمل وکه جانانه، بیا راله بخمل وکه جانانه

په دې ویدیو کې هم پرته له موسیقۍ نه د ترنم په ډول یو «سروکی» او ورپسې لنډۍ زمزمه کېـږي. له ویدیو سره یوعکس اېښودل شوی دی چې په څنگ کې یې د ترنم‌کونکي نوم تایٔید افغان لیکل شوی دی:

ما پاسنۍ لنډۍ ورنه راخپلې کړې، دا لاندې یې او لینک دی:

https://www.facebook.com/reel/24532125269742061

۴:

دا ځل مې یوه بله خونده‌وره ویدیو پیدا کړله چې یوځوان په زړه‌وړونکي غږ کې لومړی یوسروکی وايي او بیا جالبې لنډۍ وراچوي، لومړی د سندرې «سروکی» او بیا څو لنډۍ:

غم دې را په‌سر که

پټه‌یارانه وه، تا پې ټول کلی خبرکه

غم دې را په‌سر که

چې شاه‌ولي تبلو ته ناست وي

د … جان سره رباب مزه کوینه

غم دې را په‌سر که

خلک به وایي چې ویده دی

ما به د یار له غمه ځان وژلی‌وینه

غم دې را په‌سر که

پټه‌یارانه وه، تا پې ټول کلی خبرکه

غم دې را په‌سر که

دا لاندې یې لینک دی:

https://www.facebook.com/reel/1479725566625191

۵:

انارباغ یې جوړاوه، ولاړه وه