!مذاکرات د اور لاندې

په خپل دویم ځلی واک کې، ولسمشر ټرمپ ټینگار درلود چې باید په ټوله نړۍ کې سوله راشي، په ځانګړي ډول په اوکراین، منځني ختیځ، او له ایران سره. د هغه لاره دا وه چې له ټولو اړخونو سره نېغ په نېغه مذاکرات وکړي.

خو تر دې دمه چې څه پېښ شوي، د اسرائیلي صدراعظم هغه لاره ده چې غوره یې کړې: که چیرې سوله باید د خبرو له لارې راشي، لکه څنګه چې ټرمپ غواړي، نو دا خبرې باید د اور لاندې وشي! دلیل دا دی چې هېڅ اړخ د امریکایي ولسمشر شرطونه او فشارونه یوازې د خبرو له لارې نه مني، بلکې باید جګړه هم روانه وي ترڅو مقابل لوری د ټرمپ پر شرایطو غاړه کېږدي. تر اوسه، او د غزې، اوکراین او لبنان جګړو تر سیوري لاندې، نه دا تاکتیک بریالی شوی او نه بل.

له ایران سره خبرې پیل شوې، خو له پنځو پړاوونو وروسته ودرېدې، او بیا امریکا او اسرائیل پر ایران درانه بریدونه وکړل. سره له دې چې دواړه اړخونه ځان بریالي ګڼي، مذاکرات لا هم بند دي، او دواړه یو بل ته د جګړې د بیا پېل ګواښ کوي.

په وروستیو اونیو کې، امریکایي ولسمشر د غزې د اوربند د نیږدې کېدو ژمنه ورکړې، سره له دې چې د اسرائیلو بریدونه دوام لري، او خبرې په دوحه، قطر کې روانې دي. ویل کېږي چې ټرمپ نتنیاهو واشنګټن ته وربللی ترڅو پرې فشار واچوي. خو جګړه لا هم روانه ده. هره ورځ ویل کېږي چې خنډونه لا نه دي لرې شوي—یو ځل حماس، بل ځل اسرائیل ملامت ګڼل کېږي.

د لبنان د حزب‌الله کیسه تر دې هم اوږده ده. د دوو اونیو مخکې، د امریکا استازی لبنان ته راغی، سره له دې چې د اسرائیل ورځني بریدونه پر حزب‌الله دوام لري. استازي برت مک‌ګورک، د اوربند لپاره د شرایطو سره یو لیک لبناني چارواکو ته ورکړ. وروسته بېرته بیروت ته راغی ترڅو د دوی ځواب واخلي. سره له دې چې لومړنی غبرګون مثبت و، مک‌ګورک وویل: “هغوی غواړې له ما سره د میز لوبه وکړي، خو زه له دوی سره د شطرنج لوبه کوم!”
نو اسرائیلي بریدونه دوام لري، او لبناني چارواکي حیران یا بې وسه دي. حزب‌الله د وسلو پر ایښودو غاړه نه ږدي، او دولت هم نشي کولای د زور له لارې یې مجبور کړي. نو مذاکرات هم روان دي، خو د مک‌ګورک په طریقه—د اور لاندې!

په اوکراین کې، د روسیې سره د کړکېچ پر مهال، ولسمشر ټرمپ په لومړیو اونیو کې پر اوکراین زیات فشار واچاوه، ترڅو له زېلنسکي څخه هغه ځواب واخلي چې خوښ شي. خو کله یې چې دا طرحه پوتین ته وړاندې کړه، هغه دومره نرم غبرګون وښود چې مذاکرات نه پېلیدای شول.

ټرمپ وویل چې پوتین باادبه او مودب دی، خو خبرې ډېرې بې‌پایلې وې. اوس، کله چې د روسانو ځنډونه ستړي کړي، ټرمپ فکر کوي چې بېرته هغه نظامي مرستې له اوکراین سره پیل کړي چې بندې کړې وې. هغه نشي کولای روسیه له پوځي فشار سره وګواښي، خو نه غواړي خپل مذاکراتي ناکامي ومني. نو د روسیې او اوکراین تر منځ د بې‌پېلوټه الوتکو او توغندیو بریدونه دوام لري.

ټول غاړه ایښې چې سوله باید د خبرو له لارې راشي. خو هېڅ لوری د امریکا د ولسمشر شرایط نه مني، سره له دې چې هغه ځواک لري او چمتو دی چې دا زور د سولې د راوستلو لپاره وکاروي. آن ځینې ګډونوال—لکه نتنیاهو—اوس له ټرمپ څخه ملنډې وهي، او وایي چې نوموړی یوازې د سولې لپاره د نوبل جایزه غواړي!

تر دې دمه، نه د امریکا نرم قوت کار ورکړی، او نه یې سخت قوت. نو دا تباه کوونکې جګړې به څنګه پای ته رسېږي؟ خلک لاسونه پر زړونو اېښې دي، له دې وېرې چې دا ویجاړونکي جګړې به تر پایه دوام وکړي. خو که سوله هدف وي، نو د امریکا پرته بل بدیل نشته. نړیوالې ادارې—په ځانګړي ډول د ملګرو ملتونو امنیت شورا—فلج دي او د سولې راوستلو یا حتا د اوربند د ټينګولو توان نه لري.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

DNB Bank AC # 0530 2294668 :د دعوت بانکي پته 
 NO15 0530 2294 668: له ناروې بهر د نړیوالو تادیاتو حساب
Vipps: #557320 : د ویپس شمېره 

  Donate Here