موږ بیا یوه ستره علمي هسټي له لاسه ورکړه

• د کابل پوهنتون پخوانی استاد د ساینس او طبعې علومو پوهنځي ریس د جیولوجي علومو ډاکټر، پر خپل هیواد او ولس مین شخصیت، پوهاند فضل مولا روفي د جرمني په مونشن ښار کې د ورپیښې ناروغۍ له کبله په حق ورسید. اناالله و انالیه راحعون.
• پوهاند روفي مدام د خپل هیواد د ځوان نسل د روزلو له پاره خپلې علمي او څیړنیزې مرستې رسولې دي.
• ان تر دې چې د جمهوریت پر مهال، د کابل په پوهنتون کې د محصلینو  د تدریس په موخه امکانات برابر شول، پوهاند صاحب، پر خپل لګښت د کابل پوهنتون د ساینس او جیولوجې پوهنځیو محصلینو ته د تدریس له پاره له المان څخه خپل هیواد ته سفرونه کړي دي، هلته یې د پوهنتون د جیولوجې علم استادانو او محصلینو ته لکچرونه او علمي سیمینارونه ورکړي دي.
• خدای بښلي پوهاند روفي ډیر څیړنیز علمي اثار د کتاب یا مقالو په بڼه د ځوانو جیولوجیستانو د تحقیق له پاره چاپ کړي دي.
• پوهاند روفي ټول عمر د خپل هیواد علمې او څیړنیز چاپیریال ته وقف کړی او په هیواد کې د ټولو سیاسي ګوندونو  کې له فعالیعت نه ګوښه پاتې شوی و.

• هغه یو علمي او ملي شخصیت و، د پرمختګ او خپل هیواد پر ځان بساینې ارمان یې پر زړه درلود، چې هغه یې د ځوان نسل پر لوړه پوهه او د دوي په تحصیل کی لیده.ځکه خو یې په ډیر زیار سره له المان څخه د پوهنتون تر چاپیریاله ځان رسوو، تر څو د جیولوجې محصلینو پوهه لوړه کړي او د علم پر رڼا یې سمبال کړي.

• پوهاند صاحب په ځوانۍ کې د افغانستان پر غرونو او ګړنګونو ګرزیدلې، پر خپله زرخیزه خاوره کې خپلې څیړنې او پلټنې تر سره کړي وې، چې د څیړنو لوړه زیرمه یې له ځان سره درلوده.
• د هیواد د هرې سیمې د غرونو په خاصیت، څرنګوالي او ارزښت پوهیده، چې په کومه سیمه کې څه ډول معدنیات شتون لري.د دغه معدنیاتو،,په خاوره کې د تیلو او ګازو د اسخراج امکانات یې د مسلکې جیولوجیستانو او  انجینرانو په شتون کې لیده. د خپل هیواد د پرمختګ لار یې د ځوان نسل په مسلکي پوهه کې لټوله.

• سره د دومره علمي زیرمو، هغه یو ډیر حلیم مهربانه او د خوشاله طبیعت خاوند و، جې یو ځل جا لیدلې د مهربانۍ او خوږو خبرو اغیز یې ورسره د تل له پاره پاتې شوی دی.

• دردونکې او خواشینوتکې دا ده چې موږ داسې ستر انسانان له خپل هیواد نه لرې په بې وطنۍ کې له لاسه ورکوو.
• ارواح یې ښاده او یاد یې تل پاتې.

لکي ځنګل (د ماشومانو کیسه)