ولې له اختر یا نورو مهمو ورځو نه مخکې پر مخ دانه وځي؟

ولې له اختر یا نورو مهمو ورځو نه مخکې پر مخ دانه وځي؟

ډېری خلک دا تجربه لري چې کله اختر، واده، مېله، امتحان یا کوم مهمه ورځ رانږدې شي، ناڅاپه په مخ باندې دانه راووځي؛ په ځانګړي ډول پر تندي، پزه یا زنې. دا یوازې تصادف نه دی، بلکې څو مهم علتونه لري:

۱ ــ ذهني فشار او تشویش (Stress):
کله چې انسان د کوم مهم وخت لپاره اندېښمن وي، بدن د “کورټیزول” په نوم هورمون زیات تولیدوي. دا هورمون د پوستکي غوړ زیاتوي او دانو ته زمینه برابروي.

۲ ــ کم خوب او ستړیا:
د اختر یا مهمو مراسمو په تیاریو کې خلک ناوخته ویده کېږي. د خوب کمښت د پوستکي توازن خرابوي او د مخ التهاب زیاتوي.

۳ ــ غوړ او خوږ خوراکونه:
چپس، غوړ خواړه، زیاتې خوږې، کولډرنک او فاسټ فوډ د پوستکي غوړ زیاتوي او دانو ته لاره هواروي.

۴ ــ د مخ زیات لمس کول:
کله چې انسان تشویش ولري، ډېر لاس مخ ته وړي. د لاسونو میکروبونه د پوستکي سوری بندوي او دانه پیدا کېږي.

۵ ــ هورموني بدلونونه:
په ځوانانو او ځینو ښځو کې د هورمونونو بدلون د مهمو ورځو پر مهال دانو ته سبب کېږي.

څنګه یې مخه ونیسو؟
هره ورځ مخ په نرم فیس واش ووینځئ.
کافي اوبه وڅښئ.
خوب منظم کړئ.
غوړ او ډېر خوږ خوراک کم کړئ.
لاسونه پر مخ مه وهئ.
که پوستکی غوړ وي، د تیلو نه پاک کریمونه وکاروئ.
د سختو او نامناسبو کریمونو له استعماله ځان وساتئ.