په ایران کې د حاکم نظام د پرزونې هڅې

په ایران کې د حاکم نظام د پرزونې هڅې

 د ترمپ ګوت څنډنې

ټولو ته جوته ده کلونه کېږي چې امریکا او اروپایې هېوادونه پر ایران په بیلاـ بیلو برخو کې تعزیرات او بندیزونه لګولي دي چې یو لامل یې د ایران له لورې د زروي وسلو د جوړولو مخنیوي او د یورانیمو د غني کولو د چارو بندول دي.

د دې تر څنګ امریکا، غربیان او په خاص ډول اسرائیل هلې ځلې کوي چې د ایران موجود نظام چپه کړي او پر ځای یې د دوي د خوښې یو مزدور او ګوډاګی حاکمیت د ایران په ولس وتپي.

پر ایران د اسرائیلو او امریکا د تېر کال جګره هم د دغو موخو له پاره تر سره شوه، دوي فکر کاوه، چې د دوي دغه جګړه به د ایران حاکمیت په دوه درې ورځو کې را چپه کوي او پر ځای به یې د رضا شاه پهلوي ځوی قدرت ته رسوي، اما دوي د ایران له نظامي ځواک نه پوره معلومات او سمه محاسبه نه درلوده، نو ځکه هغه هدف ته ونه رسیدل.

د دغې جګړې له ختمیدو سره د رضاشاه پهلوی ځوی هم په میډیا کې راښکاره شو ګېلې او ناندرې یې پیل کړي چې ورسره غربیانو، اسرائیل او امریکا ناځواني وکړه قدرت یې ورته انتقال نه کړ.

د ۲۰۲۵ کال د دسمبر میاشت په ۲۸ مه نیټه لومړی په تهران او مشهد کې د اقتصادي وضعیت د خرابېدو، د بیو د لوړوالي او د ایراني ریال د ارزښت د بې مخینې راټیټېدو په غبرګون کې  ولسي اعتراضونه پیل شول. ولیدل شوول چې ډېر ژر د دغو اعتراضونو بڼه بدله شوه او د نظام پر ضد په شعارونو او تاوتریخوالي واوښته او د ایران ټولو۳۱ولایتونو ته وغځیده.

دغو عمومي ولسي پاڅونونو او مظاهرو، غربیان، اسرائیل او امریکا ته بیا امیدونه ورکړل، چې دا دی د نظام د چپه کیدو شرائط برابر شوي، تبلیغاتي جګړه هم د امریکا او اسرائیلو له لورې زور واخیست.ترامپ په ښکاره پرمعترضانو غږ وکړ چې:

« موږ او زموږ کومکونه درسره دي تظاهراتو ته دوام ورکړي، دولتي مؤسسات او ارګانونه ونیسئ»

ایراني مقامات هم تاکید کوي چې د تاوتریخوالي په رابطه د ایران د بیروني دښمنانو لاس دي، چې دا خبره له امکاناتو لری هم نه ده. د تېرې اونۍ د راپورونو له مخې په ایران کې د پولیسو له خوا معترضو سره په روان تاوتریخوالي کې تر ۲۵۰ زیات لاریونوال وژل شوي او سلګونه نور ټپیان شوي دي.

د یوبل راپور له مخې فعالانو ویلي دي چې په ایران کې د ټول هیواد په سطحه د اعتراضونو د ځپلو په نتیجه کې د وژل شوو کسانو شمیر په شدت سره ډیر شوی او ۵۴۴ تنو رسیدلی دی.

په ورستیو کې لاریون کونکو په ورانکاریو، سوزولوو ویجاړولو د وسلو د استعمال د پولیسو او امنیتي ځواکونو په وژلو پیل وکړاو لاریونونه په جدي تاوتریخوالي واوښتل.

د دغو تاوتریخوالو وروسته د ایران ستر مذهبي مشر، ایت الله علي خامنه يي په خپلو تازه څرګندونو کې وویل:

«لاریون کوونکي  بغاوتګر او اوباش دي نو ځکه نظام به د دوی په وړاندې شا ته نشي.نوموړي دغه ناارامي د امریکا او اسرائیلو پلان شوې توطیه وبلله او ادعا یې وکړه چې بهرني دښمنان غواړي ایران بې ثباته کړي».

په ایران کې د حکومت ضد اعتراضونو او تاوتریخوالي په رابطه  آیت الله علي خامنه اي سپاه پاسدارانو ته د معترضو د ځپلو بشپړ واک ورکړی دی. مذهبي مشر آیت الله علي خامنه اي سپاه پاسداران ته ویلي چې:

« د چمتووالي کچه اسراییل سره تر ۱۲ ورځنۍ جګړې هم لوړه کړي.».

سربېره پر دې، د امنیتي ځواکونو ځینې مامورین چې د معترضانو پر وړاندې یې له ډزو ډډه کړې وه، پېژندل شوي او نیول شوي دي.

معلومات وايي چې ایراني چارواکو د پنجشنبې راهیسې انټرنيټ پرې کړی، چې د ایران دننه یې د معلوماتو ترلاسه کول هم ستونزمن کړي، خو ځینې راپورونه وايي چې معترضان سټارلینک سره وصل دي.

له بله پلوه سپاه پاسداران خبرداری ورکړی چې د اعتراضونو دوام د منلو وړ نه دی او د وروستیو پېښو پړه به د طراحانو پر غاړه وي.

دغه وضعیت په داسې حال کې دی چې امریکا د ایران د معترضانو پر وړاندې د تاوتریخوالي په صورت کې د سخت غبرګون خبرداری ورکړی دی.

په ایران کې اعتراضونه چې حکومت یې ننگولی دی، د دغه هیواد د مذهبي حاکمانو له خوا پر ځپلو سربیره ادامه لري. په عین حال کې د ایران حکومت د دوشنبې د ورځې له پاره “د ملي مقاومت لاریون” اعلان کړی دی.

 په امریکا متحده ایالاتو کې د بشري حقونو د فعالانو خبري آژانس (هرانا) اعلان وکړ چې تر ۱۰ زرو ډېر کسان نیول سوي دي دغې ډلې ویلي دي چې په وروستیو اعتراضونو کې، ۴۹۶ اعتراض کوونکي او د امنیتي ځواکونو ۴۸ غړي وژل سوي دي. هرانا ویلي دي چې امکان لري د تلفاتو شمیر نور هم زیات شيد

فرانسې ولسمشر، ایمانویل مکرون په ایران کې د معترضو پر وړاندې تاوتریخوالی سخت غندلی دی.

د بشري حقونو د څار سازمان د تازه راپور له مخې  په تېرو دوو اونیو کې د تاوتریخوالي له امله د وژل شوو کسانو شمېر ۵۳۸ کسانو ته رسیدلی، چې په کې لږ تر لږه ۵۰ ماشومان هم شامل دي دغه راز تر ۱۰۶۰۰ تنو زیات کسان د امنیتي ځواکونو له لوري نیول شوي دي.

د فاکس نیوز د خبر له مخې ۲۶ کلن عرفان سلطاني، چې تېره اوونۍ په “کرج” کې نیول شوی و، تمه ده چې سبا د چهارشنبې په ورځ (د جنوري ۱۴مه) په دار وځړول شي.

ایراني چارواکو سلطاني پر “محاربې” یا د اسلامي نظام پر وړاندې پر جګړې تورن کړی دی. د بشري حقونو سازمانونو په وینا، د عرفان سلطاني کورنۍ ته ویل شوي چې د هغه د اعدام حکم صادر شوی او ډېر ژر به عملي شي.

ویل کېږي چې هغه ته د وکیل نیولو اجازه نه ده ورکړل شوې او محاکمه یې په داسې حال کې شوې چې په ایران کې انټرنیټي بندیزونه لګول شوي دي.

بلخوا، د امریکا ولسمشر ډونالډ ټرمپ تهران ته سخت خبرداری ورکړی او ویلي یې دي: “هغوی باید ډزې ونه کړي، ځکه که هغوی پیل وکړ، موږ به هم ډزې پیل کړو.” سپینې ماڼۍ تایید کړې چې ټرمپ پر ایران د بمبارۍ په انتخابونو غور کوي، خو ډیپلوماسي یې لومړیتوب دی.

د امریکا متحده ایالاتو ولسمشر ، ډونالډ ترمپ خبریالانو ته وویل چې:

«ایران غواړي مذاکره وکړي او زیاته یې کړه چې د اسلامي جمهوریت له رهبر سره لیدنه کتنه د تنظیم کیدو په حال کې ده، هغه زیاته کړه، واشنگټن په ایران کې د روانو اعتراضونو او د اعتراض کوونکو په وړاندې تاوتریخوالي له امله، امکان لري مجبور شي چې مخکې له لیدنې کتنې څخه اقدام وکړي».

د اروپايي ټولنې لوړپوړې دیپلومات، کایا کالاس وویل چې:

 « د اعتراض کوونکو د وحشیانه ځپلو په دلیل به د ایران په وړاندې د لا ډیرو بندیزونو وړاندیز وکړي».

وروستي راپورونه څرګندوي، سره له دې چې دونالډ ترمپ په ښکاره توګه د معترضانو تر شاه ولاړ او د تاوتریخوالي له پاره یې تشویقوي، مګر بیا هم د ایران د امنیتي ځواکونو او سپا ی پاسداران له لورې  معترضان تر کنترول لاندې دي او د مظاهره کونکو شمېر مخ په کمیدو دی په مقابل کې یې په میلیونونو کسانو د لاریون په طرز کې له حکومت او نظام نه خپل ملاتړ اعلان کړي او د معترضانو او د هغوي د ملاتړو پر ضد یې شعارونه ورکړي دي. زما په اند د ایران د اوسنی حاکمیت  ژر سقوط له امکان نه لری  موضوع بهښکاریو خو بیا هم که بدلون راشي دغه وضعیت به هرو مرو پرګاونډي هېوادو افغانستان او پاکستان منفي اغیزې ولري ، د مهاجرت موضوع به بله ستونزه هم وي.

پای

نړۍ د انارشیزم او زورواکۍ په لور- (دویمه برخه)

زموږ انګلیسي ویبپاڼه: