د نس وازده څنګه اوبه کړو؟

که د نس وازده (شحم) کمول غواړې، نو دا څو مهم ګامونه به درسره مرسته وکړي:

۱. د خوراک تنظیم

• پروسس شوي او بوره‌ لرونکي خواړه کم کړه– لکه چپس، خواږه څښاکونه، کیک او بسکویټونه.
• صحي غوړي وخوري– لکه زیتون‌ تیل، مغزیات (بادام، مټک ، پسته)، او ماهي.
• پروټین زیات کړه– هګۍ، چرګ، غوښه، لبنیات، او حبوبات (لوبیا، نخود).
• فایبر لرونکي خواړه وخوري– لکه سبزیجات، میوې، او نسواري وریجې.

۲. منظم ورزش

• کاردیو ( د زړه ) ورزشونه– لکه منډه، چټک مزل، بایسکل او لامبو چې د کالوري سوزولو کې مرسته کوي.
• وزن پورته کول (Strength Training) – د عضلاتو جوړولو سره بدن ته توان ورکوي چې زیات کالوري وسوزوي.
• د معدې ورزشونه– لکه “پلنک”، “کرانچ”، او “لیګ ریز” د نس عضلې قوي کوي، خو یوازې دا ورزشونه د نس شحم نه شي سوځولی.

۳. د ژوند طریقه بدلول

• کافي خوب– د کم خوبي له کبله بدن اضافي شحم ذخیره کوي. شپه کې ۷-۸ ساعته خوب ضروري دی.
• د استرس کمول– زیات فشار د “کورتیزول” هورمون زیاتوي، چې د نس شحم زیاتولو سبب ګرځي. یوګا، دعا، یا چکر وهل مرسته کوي.
•  زیات اوبه څښل– بدن( تازه ) هایډریټ ساتي، هاضمه ښه کوي، او اشتها کنټرولوي.

۴. د فاسټینګ یا روژې تجربه

• Intermittent Fasting (IF) – داسې طریقه ده چې د ۸ ساعته خوړلو او ۱۰ ساعته نه خوړلو سیستم تعقیب کړې، دا طریقه د نس غوړ یا وازده کمولو کې مرسته کوي.

که دا طریقه منظم تعقیب کړې، نو د څو اونیو یا میاشتو په اوږدو کې به واضح بدلون وویني .