پښتنو ملګرو خیال ساتئ/ اباسین بریال

د احتجاجونو اعتراضونو څپې هله د بري تر پایناوه رسېدای شي، چې تر پيلولو مخکې یې په مدېریت ښه سوچ وشي او ابتکار عمل یې له هغو اشخاصو سره پاتې شي چې د وجداني درد له کبله یې د پيل کولو لومړی ګام اخستی وي.
په همدې تړاو;
زه چې د کوزني پښتون د قهر او قیام دا ولولې ګورم، طاقت یې ګورم، زړه مې او حواس مې وایي لکه چې د محکوم، مقبوظ او مظلوم پښتون د برخلیک توره پاڼه واوښته.
خو زه چې د قیام صورت حال ته ګورم یوه پټه بلا وینم چې په ډېر چل او هنر قیام ته د ننوتو هڅه کوي. دا بلا له یوې خوا ارمانجن قیاموال مایوسه کوي له بلې خوا خدای مکړه قیام ګمراه او له خپل مسیر منحرفه نکړي.
دا څه دي؟
دا د حامد میر وارو او د عمران خان وارو اشخاصو ویناوې.
پښتون عوام چیغې وهي; آزادي، مرګ پر ترهګر، موږ غلامي نه غواړو،
خو حامد میر او عمران خان لګیا دي وایي دنقیب مسید وژل جرم دی، راوانوار دې محکمه شي او دا د پاکستان قانون ته زیان رسوي.
دوی غواړي دا لوی انقلاب د راو انوار په پنجابۍ کوزه کې بند وساتي.
ګني دوی پوهېږي چې دا خلک د نقیب مسید جنازه یوازې د راټولېدو د تازه دلیل په توګه کاروي خو د ازادۍ چیغه ډېره په لوړ غږ ډېره له درده ډېره د لوی هدف ده.
پښتنو ملګرو خیال ساتئ، او سټېجونه د مکرجنو کالم لیکوالو، کرکټي سیاستوالو او دوکه بازو پښتون ټېکه دارانو پر مخ وتړئ.
بری مو نصیب شه.