نيوزيلنډ سويلي افريقا ته په نهو ويکټو ماته ورکړه او پايلوبې ته ووت

نيوزلينډ سويلي افريقا ته په لومړنۍ نيمه پايلوبه کې په نهو ويکټو ماته ورکړه او دې سره يې په روان نړيوال جام کې لومړنۍ خو مانا لرونکې ماته تجربه کړه.

سويلي افريقا د لوبې له پيله وېرېدلې توپوهنه پيل کړه او د ٨ لوبغاړو په سوځېدو سره يې نيوزلينډ ته د ١٧٠ منډو هدف کېښود.

نيوزلينډ د فين آلېن د چټکې ٣٣ باليزه سليزه سره دغه هدف په يوازې ١٣ اورونو کې پوره کړ او ځان يې پايلوبې ته ورساوه.

سبا به د هند او انګلستان تر منځ دويمه نيمه پايلوبه ترسره شي او ګټونکې لوبډله به له نيوزلينډ سره د نړيوال جام د ګټلو لپاره خپل بخت و آزمايي.

د لوبې غوره لوبغاړي فن آلېن وویل: “یوازې مې هڅه کوله چې ښه موقعیتونه ونیسم او د ټیم لپاره ښه لوبه وکړم.

د اوپننګ ملګرتیا لپاره پلان په تړاو يې وويل چې غوښتل يې لوبډلې ته پیل وکړو او سیال ټیم له هماغه سر څخه تر فشار لاندې راولو.

آلېن وايي،” زما لپاره اسانه وه کله چې ټیمي (ټيم سيفرټ) داسې ښه لوبه کوله. ما یوازې کولى شوى ورته وګورم او (سټرایک) هغه ته پرېږدم. هغه په ډېر چټک او غوره انداز ولوبېد.

دا زموږ لپاره ستره لوبه وه. ټیمي او ما هڅه کوله چې مستقیم شاټونه ووهو او په پوره زور مخته ولاړ شو. نوموړي د پيچ د حالاتو په اړه وويل، “باید د میدان له حالت سره ځان عیار کړې. تمرین ډېر مهم دی چې د ویکټ حالت درک کړې.

موږ پوهېدو چې ویکټ به د تورې خاورې وي، دا معلومات مو لرل. دا ښيي چې له نړیوال جام مخکې هغه لړۍ څومره مهمه وه”.

فاینل ته د رسېدو په اړه له لوبې څخه مثبت ټکي اخلو او لږه خوشالي کوو، خو د یکشنبې په ورځ لا هم فاینل ته سترګې په لار یو.”