په ننني ټکنالوژیک عصر کې فیسبوک او نورې ټولنیزې شبکې زموږ د ارتباطاتو یوه مهمه برخه ګرځېدلې ده. دغه شبکې د اړیکو جوړولو، معلوماتو شریکولو او د نويو نظریو د زده کړې لپاره غوره وسیله ده. خو ددې ترڅنګ کاروونکي باید هڅه وکړي یوازې هغه مطالب، مضمونونه او معلومات خپاره کړي، چې د خلکو لپاره د لوستلو ارزښت ولري.
په دې وروستیو کې د کابل ښاروالۍ له لوري په څلورلارو کې د لیکدړو نصب ترسره شوی، چې د سیمو نومونه په دواړو ملي او انګلیسي ژبو ذکر شوي دي. دا یو ښه اقدام دی، چې خلکو سره د سیمو د پېژندنې او موندلو په برخه کې مرسته کوي.
خو ځینو فیسبوکیانو دغه نومونه په غلطو او ناوړو الفاظو فیسبوک کې خپاره کړي، چې د خلکو ذهنونه مغشوشوي او ملي یووالي ته زیان رسوي. د ورته فیسبوکیانو کړنې د امنیتي او قضايي ارګانونو له لوري وڅارل شي او عاملین یې باید قانوني سزا وویني ترڅو نورو ته د عبرت درس شي.
په ټولنیزو شبکو کې د ناوړو او ناسمو موضوعاتو خپرول نه یوازې وخت ضایع کوي؛ بلکې د خلکو فکر، شخصیت او ټولنه هم له ستونزو سره مخ کوي. ځینې کسان له دې شبکې څخه ناوړه ګټه اخلي. هغه کسان چې د نورو سپکاوی کوي یا په مستعارو نومونو پاڼې جوړوي، په حقیقت کې خپل شخصیت او علمیت ته تاوان رسوي او د خپل فکري ودې او د ځان د پرمختګ مخه نیسي.
خو که فیسبوک او نورې ټولنیزې شبکې په سمه توګه وکارول شي، د پوهې او عامه پوهاوي لپاره خورا ګټمن تمامېدلای شي.
د ورځنیو معلوماتو، مهمو مضمونونو او علمي لیکنو خپرول نه یوازې د لیکونکي پوهه او وړتیا لوړوي؛ بلکې نور خلک هم له دې مطالبو زده کړه کوي، خپل نظرونه شریکوي او په ګډه مثبتې خبرې رامنځته کیږي. په دې توګه، علمي او معلوماتي محتوا د ټولنې د پرمختګ سبب ګرځي او د پوهې کچه په ټولنه کې لوړوي.
د ټولنیزو شبکو کاروونکي باید هڅه وکړي، چې د ټولنیزو شبکو له لارې مثبت، ګټور او علمي مطالب خپاره کړي. د بې ځایه معلوماتو، ویډیوګانو او عکسونو پر ځای، ښکلې او ښایسته متنونه خپرول د لوستونکو لپاره د فکر او زده کړې فرصتونه زیاتوي.
په پای کې د ټولنیزو شبکو د کارولو اصلي موخه باید د انسانانو د پوهې او پوهاوي لوړول وي، که کاروونکي د دې شبکې ځواک په مثبت ډول وکاروي، نو کولی شي د پرمختګ او مثبت بدلون لاره پرانیزي.
زموږ انګلیسي ویبپاڼه:
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.